Աստվածաշնչի հայտնի հատվածներ HECHOS 16-ից

Կիսվել

Neqhśtan ninakaki qhäśićha: –Amki ni Jesús Tatźkiś kiriya, neqhśtan amki niźaśa am qhuy źoñinakźtanpacha liwrïtam khekićha.

Xalla neqhśtan ni wën chika khen, ni Pawluźtan Silastan Yöśkin mayiśikan niźaśa Yöś wirsu itskan źelatćha, niźaśa ni karsilkiś chawkhta yaqha źoñinakaki ninaka itsñi nonźnatćha, xalla nuź khen ana pinsan tshi anawali yoqa cheqhinsqatñiź thonchiki, xalla ti cheqhinsqatñiki ni karsila śuylukiśtanpacha qisqatchićha. Niźaśa ni orapacha ni karsil chawkhśnakaki khetsićha, niźaśa thappacha ni karsilkiś chawkhta źelhñi źoñinakź karinanakaki jerhsićha.

Neqhśtan ninaka jesku, ninaka pewkśićha: –Tatanaka, ¿werhki liwrïta khiśxapa ćhhulu päśt wali khesaya?

Neqhśtan ni karsila cheqśñiki wathźku, ni karsil śana khettakama cherźku, nïź paqh kuchillu xöśićha perśunpacha tikhśxapa, niźaśa nïki ni karsilkiś chawkhta źelhñi źoñinaka thappacha atipchiźkä khikan pinsatćha. Xalla ni Pawluki ni thawśićha: –¡Amki ana perśunpacha śhoxrichaśa, niźaśa werhnakki teqhśi tanpachaćha!