Աստվածաշնչի հայտնի հատվածներ 2 PEDRO 3-ից

Կիսվել

Niźaśa Yöśki nïź taqu onźta anaź ana kumlasaćha, yaqhapanakaki nuź pinsićha, ans Yöśki anćhukatan paśinśichiśpanćha, niźaśa Yöśki anaź jëkhmi tikhśi pekćha, ans thappacha Yöśkin qhutśñiź pekćha.

Jilanaka tuźuśaqaśśa anćhukki anapanź thatźnakićha, Yöśkiśiki tshi nöxiki, watha wataćha, niźaśa wathaki tshi nöxićha.

Ans anćhukki ni ućhumnaka liwrïñi Jesucriśtu Tataź śumpacha paxa, niźaśa anćhukki nïź oqśñi quśkiś paqakićha. ¡Xalla nïki watay watxapa śuma khitax khila! Xalla nuźox khila.

Xalla ni Jesús Tataki tshi thañ źoñiźtaqaś thonakićha. Neqhśtan ni tsewkta pachaki tshi tsukhchuk xorźtan qatakićha, niźaśa ni wara waranakami ujźtan ujźtaź khekićha, niźaśa ti yoqaki thappacha źelhñinakźtanpacha ni Yöś juchjiptayśkiś juchjiptaytaź khekićha.

Xalla nuź thappacha thatantaź khekićha, ¡neqhśtan anćhukki źkayi quśtan śuma qamañchiś qamśtanćha! Niźaśa anćhukki ni Yöś thonś thuñiź thewźna, niźaśa Yöśkin uriź makhatalla. Xalla ni thuñiki ti tsewkta pachanaka ujźtan thatantaź khekićha, niźaśa ni wara waranakami ni ujźtan thiñantaź khekićha.