Աստվածաշնչի հայտնի հատվածներ 1 JUAN 1-ից

Կիսվել

ans ućhumnakki ućhum ujnakaź arśhuśakiź nïki, ućhumnakki Yöś źkayi quśśiśśa khikanź tasnasaź nïki, Yöśki ućhum ujnakkiśtanź pertunasaćha niźaśa ućhum anawalinakkiśtan źhujźnasaćha.

Ans ućhumnakki ni qhankiś qamćhax nïki, ni Yöś qhankiś qamñi irata, neqhśtan ućhumpora chika qamś źelasaćha, niźaśa nïź Machh Jesús lhokhki ućhum ujnaka axwźinćha.

Niźaśa ućhumnakki ana ujchiśśa khićhax nïki perśunpachaź q'otćha, niźaśa ućhumnakakiś ni werar taqu anaź źelhćha

Xalla tïćha ni Jesucriśtuź wethnakakiś thaxinta taquki, neqhśtan werhnakki anćhukakiś thaxnućha: Xalla ni Yöśki qhanaćha niźaśa nïźkiśiki anaź ćhhul sumchimi źelhćha. Niźaśa ućhumnakki nïźtan chikaćhaź khićhax nïki, ni orapacha ućhumnakki ni sumchikiśśaqaś qamćhax nïki, toskaraćhumź chïćha niźaśa ućhumnakki anaź ni werar taqu waqaychićha.

Niźaśa ućhumnakki ana uj pächinćha khićhax nïki, ućhumpachaź Yöś toskar źoñiźtaqaś khisqatćha, neqhśtan ućhumnakki nïź taqu ana cheqpacha tanźtaćha.