Աստվածաշնչի հայտնի հատվածներ 2 CORINTIOS 5-ից

Կիսվել

Xalla ni Criśtuźtan chika qamñi źoñiki, tshi ew źoñićha. Niźaśa ni achś ćhhultaqinakaki watchićha; niźaśa thappacha teqhś źelhñi ćhhultaqinakaki ewukama khissićha.

Niźaśa Criśtuki anapan ujnaka pächićha; ans ućhunnakź khen Yöśki uj pächićha, ni ućhumnaka ujkiśtan Yöś juchjiptayśki Criśtuź juchjiptayakićha.

Xaśiki ućhumnakki anaź cheri atasaćha, ans ućhumnakki thapa quśtanqaź qamćha

Thappacha tinakaki Yöś pätakamaćha, niźaśa ni Yöśpachaćha ućhumnak ni Criśtuźtan śumansqatchiki, niźaśa wethnakakiś ni śumansqatś taqunaka maśnax khichićha. Niźaśa Yöśpachaź Criśtuź qharkiśtan ti yoq ujnakźkiśtan śumansnatćha, ana ni źoñinakź ujnaka juśhupäkan; niźaśa Yöśki wethnakakiś ti taqunaka maśnax khichićha.

Xalla niźtikiśtan ućhumnakki Criśtuź manta päyinćhumćha, xalla nïki Yöśpachaź anćhukakiś wethnaka atkiśtan rokt'ićha. Niźaśa werhki Criśtuź thükiś anćhuk rokt'ućha anćhukki Yöśtanź śumansnalla.

Niźaśa ni Criśtuki thappatiźkiśtan tikhśićha, xalla ni źethñi źoñinakaki ana perśunpachśta źetaxu, ans ni Criśtuźtaxapa źetaxu, niźaśa nïki tikhźku ninakźtaxapa jakatatchićha. Xalla niźtikiśtan werhnakki anapanl ti yoqkiś qamñi źoñinakź amtikiśtan qamućha; niźaśa tukiki ni Criśtuźkiśtan śapamayni nïź quśkama pinsiñitaćha, xaśiki ućhumnakki ni Criśtuźkiśtanaki anaź nuź pinsićha.

Xalla ni Criśtuź oqśñi quśki ućhumnaka źetiź irpićha, niźaśa ućhumnakki śiśśa ni Jesusaki thapatiźkiśtan tikhśićha, xalla niźtikiśtan ućhumnakki thappacha tikhźtaćha.