Աստվածաշնչի հայտնի հատվածներ 1 CORINTIOS 2-ից

Կիսվել

Xalla ni Yöś śuma kintu khjirtikiśiki, tuź khićha: “Yöśki ni pekñinakźta śumanaka thakśinchićha niźaśa ana jëkiź cherta ćhhultaqi, niźaśa ana jëkiź nonźta ćhhultaqinaka, niźaśa anapan pinsita.”

Niźaśa xaqhsilta źoñi ana animuchiślax nïki, ni Yöś Espirituź ćhhultaqinaka anaź tanś pekćha, xalla ni źoñźtaki ana wakiśiñićha. Niźaśa ni źoñiki anapanź katoqasaćha, xalla ti ćhhultaqinakaki animunakaź phalakićha.

Xalla ti ćhhultaqinakźkiśtan Yöśki nïź Espirutuźkiśtan ućhumnakakiś śiśqatchićha, niźaśa ni Espirituki thappachaź phalźa, niźaśa ni Yöś xamaśit qosta ćhhultaqinakami.

Niźaśa ućhumnakki anaź ti yoq animu tanźtaki, ans ni Yöśkiśtan thonñi Espíritu tanźtaćha, xalla ni Yöś ćhhultaqinaka katoqśxapaki niźaśa nïź śuma quśtan ućhumnakakiś thächiki.

Neqhśtan werhki anćhukakiś palxaykan niźaśa anćhukakiś maśinkan, ni śiś taqunakźtan ana palxaychinćha. Ans werhki anćhuk ni Yöś Espirituź aśtan iyawkhisqatchinćha, xalla ni anćhukaź thapa quśtan kirïtaki, anaź ni źoñinakź śiśnakźkiśtan thonćha, ans Yöśkiśtanź thonćha.