Աստվածաշնչի հայտնի հատվածներ ಮತ್ತಾಯ 10-ից

Կիսվել

ನೋಟಿ, ನಿಂಗಳ ತೋಳಯಡ ಮದ್ಯತ್ ಕೊರಿಯಳ ಅಯಿಪನೆಕೆ ನಾನ್ ನಿಂಗಳ ಅಯಿಚಂಡುಳ್ಳ. ಅದ್ಂಗಾಯಿತ್ ನಿಂಗ ಪಾಂಬ್‍ರನೆಕೆ ಜಾಣವಾಯಿತು, ಪಾರಿವಾಳರನೆಕೆ ಸಾದುವಾಯಿತು ಇರಿ.

ದಾರ್ ಅಂವೊಂಡ ಜೀವತ್‍ನ ಕಾಪಾಡ್‌ವಕ್ ಕುಶಿ ಪಡ್‍ವ, ಅಂವೊ ಅಂವೊಂಡ ಜೀವತ್‍ನ ಕಳೆಂದ್‍ರ್‍ವ, ದಾರ್ ತಾಂಡ ಜೀವತ್‍ನ ನಾಕಾಯಿತ್ ಕಳೆಂದ್‍ರ್‍ವ, ಅಂವೊ ಅದ್‍ನ ಕಾಪಾಡ್‌ವ.

ತಡೀನ ಮಾತ್ರ ಕೊಂದಿತ್ ಆತ್ಮತ್‌ನ ಕೊಲ್ಲ್‌ವಕ್ ಕಯ್ಯತಯಿಂಗಕ್ ಬೊತ್ತತಿ. ಆಚೇಂಗಿ ಆತ್ಮತ್‍ನು ತಡೀನು ನರಕತ್‍ಲ್ ನಾಶ ಮಾಡ್‌ವಕ್ ಶಕ್ತಿವಂತನಾಯಿತುಳ್ಳಂವೊಂಗ್ ಬೊತ್ತಿಚಿಡಿ.

ದಾರ್ ತಾಂಡ ಶಿಲುಬೇನ ಎಡ್‍ತಂಡ್ ನಾಡ ಬಯ್ಯ ಬಪ್ಪ್‌ಲೆಯೋ ಅಂವೊ ನಾಡ ಶಿಷ್ಯನಾಯಿತ್‌ಪ್ಪಕ್ ಯೋಗ್ಯನಲ್ಲ.

ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವಿ: ದಾರೆಲ್ಲಾ ಮನುಷ್ಯಂಗಡ ಮಿಂಞತ್, ಅಂವೊ ನಾಡ ಬಕ್ತಾಂದ್ ಎಣ್ಣುವ, ನಾನ್ ಸಹ ಅಂವೊನ ಪರಲೋಕತ್‍ಲ್ ಉಳ್ಳ ನಾಡ ಅಪ್ಪಂಡ ಮಿಂಞತ್‍ಲ್ ನಾಡಂವೋಂದ್ ಎಣ್ಣ್‌ವಿ. ಆಚೇಂಗಿ ದಾರ್ ಮನುಷ್ಯಂಗಡ ಮಿಂಞತ್ ನನ್ನ ತ್‍ಕ್ಕಾರ ಮಾಡ್‌ವ, ಅಂವೊನ ನಾನು ಸಹ ಪರಲೋಕತ್‍ಲ್ ಉಳ್ಳ ದೇವಡ ಮಿಂಞತ್ ತ್‍ಕ್ಕಾರ ಮಾಡ್‌ವಿ.

ಕಾಯಿಲಸ್ತಂಗಳ ವಾಸಿ ಮಾಡಿ, ಚತ್ತಯಿಂಗಳ ಬದ್‍ಕ್‍ಚಿಡಿ. ಕುಷ್ಟರೋಗಿಯಳ ವಾಸಿ ಮಾಡಿ ಪಿಂಞ ಕೂಳಿ ಪುಡ್‌ಚಯಿಂಗಕ್, ಕೂಳಿನ ಬುಡ್‍ತಿ. ನಿಂಗಕ್ ಪುಕ್ಕಟೆಯಾಯಿತ್ ಕ್‍ಟ್ಟ್‌ನದ್‍ನ ಪುಕ್ಕಟೆಯಾಯಿತ್ ಕೊಡಿ.

ಆನಗುಂಡ್, ನಿಂಗ ಬೊತ್ತತಿ. ದುಂಬ ಮನೆ ಪಕ್ಷಿಯಕಿಂಜ ನಿಂಗ ಎಚ್ಚಕೋ ಬೆಲೆ ಉಳ್ಳಯಿಂಗಳಾಯಿತ್ತುಳ್ಳಿರ.

ನಾನ್, ಬೂಮಿಲ್ ಸಮಾದಾನತ್‍ನ ಕೊಡ್‍ಪಕಾಯಿತ್ ಬಂದಿಯೇಂದ್ ನಿಂಗ ಗೇನ ಮಾಡತಿ. ಸಮಾದಾನ ಮಾಡ್‌ವಕ್ ಅಲ್ಲ, ಆಚೇಂಗಿ ವಿಂಗಡ ಮಾಡ್‌ವಕ್ ಬಂದಿಯೆ.