Աստվածաշնչի հայտնի հատվածներ Tyai Á̱zanson 11-ից

Կիսվել

A̱jawa a̱ta̱m tswa a̱natat wu si̱ ntyiap a̱gwa nggu ka. Á̱ si̱ kin fa̱k nwunwuat ku neet Ma A̱gwaza tswazwa mi̱ chet nyia̱: “Tyok swanta hu ma̱nini yet si̱ A̱gwaza A̱tyoli nzi̱t mbeang Kristi, a̱tyu nang á̱ kup gu tyok a̱ni! A̱wot a̱ na nyia̱ tyok hu ku sang sangba̱p a̱ni!”

A̱mgba̱m nnwap na̱ chyi A̱gwaza a̱ni si̱ chi̱ri̱ng ba̱t! A̱wot ma̱ninika, jen a̱tsotswat mwai lyen ang ji nyia̱! Jen nyia̱ nang a na nyia̱ á̱niet ba̱ ka̱n kwi a̱ni shi̱ri̱ya; a̱wot a nwuak á̱khwo ang ba, ba̱ yet a̱yaata̱m a̱kwonu A̱gwaza a̱ni zang; ma a̱nia wa, a̱za̱za̱rak á̱niet khwi ang ba, ma̱ng a̱mgba̱m á̱niet ba̱ nnwuat a̱lyoot ang ka shi a̱ni, neet da̱ a̱chyuang si̱ nat da̱ a̱cha̱chet! Jen nyia̱ nang a na nhyaai a̱mgba̱m á̱niet ba ba̱ hyaai á̱niet mi̱ swanta ba a̱ni!”

“A̱wot n na nwuak á̱niet shei a̱lyiat a̱feang nung ba tyok, ba̱ na shei nkyang na̱ chobai á̱zanson a̱ni mami mmam chyikwop jhyung ma̱ng chyi sweang mi̱ nswak a̱taa (1260). A̱wot ba̱ na khwi a̱kyakyak a̱yaatoot.”

A̱wot nang mam tat ma̱ á̱kum nswak a̱ni, A̱gwaza si̱ hyap swuan mi̱ nkwom a̱yaata̱m a̱kwonu A̱gwaza a̱feang bani. A̱wot ba̱ si̱ doot á̱ yong a̱ka̱tsak! A̱wot a̱gba̱ndang a̱wun si̱ ta̱bat á̱niet ba̱ yong á̱ nwuan nkwom a̱yaata̱m a̱kwonu A̱gwaza a̱feang a̱bya a̱ni.

A̱yaata̱m a̱kwonu A̱gwaza bani na byia̱ chet ba̱ nyim kyai tswazwa hu, da̱nian za yok va di̱n jen nang ba̱ nshei nkyang na̱ na bai á̱zanson ka a̱ni. Ba̱ si̱ bu byia̱ chet nang ba̱ na mbwuak a̱sa̱khwot a̱ka̱ghyui ma̱ng nkyai a̱sa̱khwot na̱ tyia̱ a̱sok a̱ni. A̱wot ba̱ bu byia̱ chet ba̱ tyia̱ kuzang tangka̱i mbyep na̱ kwa mi̱ swanta hu di̱ kuzang jen nang ba̱ nchat a̱ni.

A̱yaata̱m a̱kwonu A̱gwaza a̱feang bani bibya yet kidee a̱ka̱kwon za̱itun a̱feang na, ma̱ng á̱ga̱nga̱ng chuchuk saai fí̱tila sweang ji̱ yong a̱zaghyi A̱gwaza swanta wu a̱ni. Ka̱ a̱yin chat bwuo mba nkun, a̱lya̱ra̱p ndong na ghwut mi̱ nunu mba hu, ka̱ fwui a̱tyu a̱wa! A̱ni wa á̱ na nhyat a̱tyu a̱ chat bwuo mba nkun a̱ni mut!