Աստվածաշնչի հայտնի հատվածներ Ibriniyawa 12-ից

Կիսվել

Mat a̱nia, nang á̱kpa á̱niet ba̱ tak nwuak fwuo mba hu da̱ A̱gwaza nswan, á̱ tyong nzi̱t á̱ keang á̱ nwuan nzi̱t a̱ni, nzi̱t meang ku myim zi̱ ji̱p a̱mgba̱m kuzang kyang ku swan kpa̱p ku na tyia̱ nzi̱t ndyem a̱ni; huhwa yet a̱ka̱tuk nyia̱ nang zi̱ chat nyia̱ ba̱t a̱ni. Yok zi̱ gbang a̱lyia̱, zi̱ tyong chung a̱khwom nang A̱gwaza tyia̱ nzi̱t ndyo a̱zaghyi a̱ni. Yok zi̱ tyia̱ a̱di̱dam nzi̱t wu di̱ Yesu kuzang jen. Nggu wa yet a̱gwak a̱ tsa nwuak fwuo da̱ A̱gwaza nzi̱t wu. A̱wot nggu wa bu na tyia̱ nwuak fwuo nzi̱t hu ku ngyet a̱tsatsak. Mat a̱lyia̱ sai nang Yesu na shya̱ á̱zanson a̱ni, a̱ ku gbang a̱lyia̱ nang á̱ nkpang nggu da̱ a̱team a̱khwu a̱ni. Á̱niet ba ku kyiak nang a̱khwu da̱ a̱team a̱khwu ngyet a̱ka̱tuk kyang nsum wa; a̱wot Yesu si̱ kyiak a̱nia bah. Ma̱ninika, Yesu swan a̱zayak da̱ a̱vwuo shi da̱ a̱beam a̱gba̱ndang chuk Tyok A̱gwaza ji.

Á̱ mbyia̱ nyep ku byia̱ nyinyang di̱n jen nang á̱ nyia̱ nhu a̱ni bah. Ku ni̱ vwan a̱khwu ba̱t di̱n jen nang á̱ nnyep nzi̱t a̱ni. A̱wot ka̱ á̱ labeang bah, á̱niet nang á̱ nyep di̱n vak huni a̱ni, ba̱ shya̱ zang. Zang jija yet swat nyinyang ma̱ng nyia̱ tsotswat.

Nyi kwan ba̱t, nyi li nang nyi swan swat nyinyang ma̱ng konyan. A̱wot nyi bu kwan nyi swan a̱za̱za̱rak nswat. Mat á̱ mbyia̱ a̱tyu a̱ na li A̱gwaza a̱ni bah, si̱ nang gu yet a̱za̱za̱rak.

Nyi dam, nyi tyan si̱sak nang Yesu nswuo a̱bung, a̱ si̱ gbang a̱lyia̱ mbwak á̱niet a̱ka̱tuk nyia̱ a̱ni. Da̱nian nyi ka yok but mi̱ fwuo, nyi ghwon nwuak fwuo nyin hu da̱ A̱gwaza wu bah.

Mat a̱nia, ka̱nang A̱gwaza nang nzi̱t Tyok ku nwai zwun a̱ni, ku myim zi̱ gwai zi̱ kyuak A̱gwaza ntong ma̱ng a̱za̱za̱rak a̱wun, gu ka fa̱k nyinyang nzi̱t, a̱wot zi̱ bu nwuak gu a̱gba̱ndang shi.

Nang nyi gbang a̱lyia̱ di̱ nyep nang A̱gwaza nyep nyin ma̱ng swuo a̱bung huni a̱ni, nyi jhyung nyi fi̱k nang A̱gwaza nnyep nyin nang a̱tsatsak mman nggu nia a̱ni. Á̱ ka̱n mbyia̱ nggwon nang a̱tyia̱ nka wu nwai nyep ka a̱ni a?

A̱tsak a̱lyiat, A̱gwaza nzi̱t wu li nang long hwa ku ya ma̱ a̱nga̱ngak a̱ngak a̱ni!

A̱yaatyia̱ nzi̱t ba ba̱ tyei zi̱t mi̱ swanta hu a̱ni, ni̱ nyep nzi̱t da̱ a̱bachunchwiit njen di̱n vak nang ba̱ li ku myim mba a̱ni. A̱wot A̱gwaza ni̱ nyep nzi̱t kuzang jen zi̱ ka yet a̱tan á̱niet bya, da̱nian zi̱ ka mun á̱pyia̱ dundung ma̱ng a̱nggu, zi̱ yet á̱za̱za̱rak á̱niet.

Di̱ kwan nyin hu ma̱ng a̱ka̱tuk nyia̱, nyi ka̱n tat si̱sak nang nyi na nnwuak swuan nyin ji, á̱ hyaai nyin a̱ni bah.