Աստվածաշնչի հայտնի հատվածներ 2 A̱korontiyawa 1-ից

Կիսվել

Dyep a̱mgba̱m yet si̱ A̱gwaza a̱ yet A̱tyia̱ A̱tyoli nzi̱t wu Yesu Kristi a̱ni. A̱gwaza wa yet A̱tyia̱ a̱ fwuong kunak nzi̱t a̱ni, ma̱ng a̱tyu a̱ yet a̱tyin a̱mgba̱m shyim fwuo a̱ni. A̱gwaza wa yet a̱tyu shyim fwuo nzi̱t na mami a̱mgba̱m swuo a̱bung nzi̱t hu; da̱nian nzi̱t meang zi̱ ka shyim á̱ghyang á̱niet nfwuo. Jen nang á̱ghyang á̱niet nshya̱ di̱ byian nfwuo á̱ swuo a̱bung a̱ni, zi̱ na shya̱ chet nang zi̱ na ntyei mba shyim fwuo a̱ni; ma̱nang A̱gwaza ka̱n ntyei nzi̱t shyim fwuo a̱ni.

Mat nang zi̱ nswuo a̱bung ba̱t da̱nian Kristi a̱ni, ma a̱nia wa A̱gwaza ma na nnwuak nzi̱t shyim fwuo gba̱mgbam di̱ mun á̱pyia̱ nzi̱t hu ma̱ng Kristi.

A̱tsak a̱lyiat, zi̱ ku ngyei jen a̱khwu nzi̱t ja bai. A̱mgba̱m ma̱ng a̱nia, zi̱ si̱ ta̱yuk di̱n chet á̱pyia̱ nzi̱t bah. A̱wot zi̱ si̱ myiam zi̱ ta̱yuk da̱ A̱gwaza wa ma̱nyin nggu. Nggu wa ni̱ ta̱ngam á̱niet ba ba̱ ka nkwi a̱ni, ma̱ng swuan.

Ma̱ninika, A̱gwaza wa tyia̱ nang nzi̱t ma̱ng a̱nyin ngyong mi̱ chet da̱nian Kristi. Nggu wa khai nzi̱t. A̱ si̱ ta̱m zi̱t zi̱ nyia̱ ta̱m nggu hu. A̱wot a̱ si̱ kpaat nzi̱t a̱timi nang zi̱ ngyet á̱niet guu a̱ni, mat nang gu nnang nzi̱t A̱za̱za̱rak Ntswa wu mi̱ nfwuo nzi̱t na a̱ni. A̱za̱za̱rak Ntswa wu wa yet a̱kwonu nang gu ntsa a̱ nwuat zi̱t a̱ni; ku tak nang nggu na nka̱u nzi̱t á̱kum nkyang nang gu la̱p a̱ sak nzi̱t ndyo a̱ni.

Ku nang á̱ nyiak zi̱t ma̱ng swuo a̱bung, ku ni̱ yet da̱nian zi̱ ka tyia̱ nyin shyim fwuo nyi bu shya̱ san hwa mi̱ swanta hu. Jen ji nang zi̱ nshya̱ mi̱ shyim fwuo a̱ni, ku na yet nzi̱t ta hwa zi̱ tyia̱ nyin shyim fwuo mameang. Huhwa na mbyia̱, nyi na shya̱ chet nyi nyap nfwuo, nyi gbang a̱lyia̱ di̱ tangka̱i swuo a̱bung nang zi̱ swuo a̱ni.