Աստվածաշնչի հայտնի հատվածներ 1 Timoti 6-ից

Կիսվել

Kwan a̱tan a̱yaat, a tyia̱ a̱lyia̱ di̱ nwuak fwuo da̱ A̱gwaza. A ba̱ng swuan sang sangba̱p ang ji gi̱ngi̱ng. Mat swuan jini ja nang A̱gwaza wu ku ngyorong ang a san, nang a ku ntak a̱tsatsak nwuak a̱chuchuk kpa̱sai a̱zaghyi á̱niet khwi Yesu ma̱ a̱di̱di̱t a̱ni.

Mat a̱dodo chat kurum wa yet a̱tyin kuzang tangka̱i a̱ka̱tuk. Á̱ghyang á̱niet tyia̱ nfwuo mba na di̱ shyuo kurum. A̱wot ba̱ si̱ ghwon khwi vak nwuak a̱chuchuk mba hu. Ba̱ si̱ bu khwat pyipyia̱ mba a̱ka̱tuk byian nfwuo ma̱ a̱di̱di̱t.

A̱tsak a̱lyiat, khwi A̱gwaza hu chong ma̱ng kpangti̱n ba̱t, ka̱nang a̱nyuu kyiak kyang nang gu byia̱ a̱ni hu ni̱ maai nggu.

Mat, zi̱ bai mi̱ zwá mi̱ swanta hu bah. Da̱ nzi̱t, zi̱ na ghwon swanta hu mi̱ zwá bah.

Kam á̱niet ba̱ yet á̱niet nzwá mi̱ swanta hu a̱ni, ba̱ yok gba̱p a̱pyia̱, ba̱ yok tyia̱ nfwuo mba na di̱ zwá ji̱ tyiai a̱ni bah. Da̱ a̱kwonu a̱kya, ba̱ tyia̱ nfwuo mba na da̱ A̱gwaza wa; a̱tyu a̱ nwuat zi̱t kuzang tangka̱i kyang kuzang jen mi̱ fwuo nyiung nang zi̱ na nfwuong nyinyang a̱ni.

A̱wot á̱si̱ ba̱ chat byia̱ zwá a̱ni, ni̱ kwak pyipyia̱ mba jat mak. Ba̱ kwa mi̱ tsi̱ntsat ma̱ng a̱bombwuon kyang ma̱ a̱di̱di̱t, ma̱ng a̱tai a̱ka̱tuk nshyuo a̱ swuo chet á̱nietbishyi, na̱ kwak ba á̱ nat ndyo di̱ byian ma̱ng a̱khwu a̱ni.

Kam mba ba̱ nyia̱ shok ma̱ng zwá ji, di̱ nyia̱ a̱tan nta̱m ba̱t; ba̱ ka ka̱u njii ma̱ng fwuo nyiung, ba̱ mbeang á̱kunak na. A̱ni wa ba̱ na nsak á̱pyia̱ mba zwá ji̱ na yet a̱tyin swuan di̱n jen chobai a̱ni, da̱nian ba̱ ka shya̱ swuan ji yet a̱tsatsak swuan wu a̱ni.