Աստվածաշնչի հայտնի հատվածներ 1 A̱ta̱solonikawa 4-ից

Կիսվել

A̱jawa nzi̱t á̱niet khwi Yesu ba̱ ni̱ swuan a̱ni, a̱mgba̱m zi̱t ma̱ng a̱mba á̱ na kyiak zi̱t á̱ nat ndyo mi̱ kyai tswazwa, zi̱ si̱ myim ndung ma̱ á̱ni̱nian ma̱ng A̱tyoli Yesu. A̱wot zi̱ na swan ndung ma̱ng a̱nggu si̱ nat sang sangba̱p.

Mat A̱tyoli Yesu ma̱ a̱pyia̱ nggu si̱ ba̱ bwuok a̱ neet Ma A̱gwaza tswazwa, a̱ kam mi̱ chet. A̱gba̱ndang a̱ta̱m tswa A̱gwaza na yorong ma̱ng a̱gba̱ndang a̱nwuat, a̱ bu na tyiap a̱gwa A̱gwaza. A̱wot á̱niet khwi Yesu ba̱ ka̱n kwi a̱ni, bibya na yet a̱son doot ma̱ng swuan ma̱ á̱niet ba̱ ka̱n kwi a̱ni.

Tyiet huni huhwa yet; A̱gwaza chat nyi jaat á̱pyia̱ nyin, nyi swan a̱za̱za̱rak nswat, a̱wot nyi ghwon kuzang tangka̱i a̱shi̱shi̱k nyia̱. Ku yet ta hwa kuzang a̱yin a̱ lyen si̱sak ji gu na mba̱ng vam nggu hu ma̱ za̱za̱rak di̱n vak nang á̱ na nchyin a̱ni.

Mat ki̱ zi̱ nwuak a̱chuchuk nang Yesu khwu, a̱wot á̱ si̱ ta̱ngam gu ma̱ng swuan ma̱ á̱niet ba̱ ka̱n kwi a̱ni; ma a̱nia wa zi̱ nwuak a̱chuchuk nang A̱gwaza na nta̱ngam á̱niet khwi ba̱ ka̱n kwi a̱ni ma̱ng swuan. A̱wot A̱gwaza na bwuok ma̱ng a̱mba dundung ma̱ng Yesu a̱ bai ndyo.

Nyi kwan nyi swan shonshyon. Nyi tyia̱ a̱lyia̱ di̱ nkyang nang nyi nyia̱ a̱ni. A̱wot nyi yok tyei á̱ghyi di̱ si̱ á̱ghyang á̱niet bah. Nyi bu nyia̱ nta̱m ma̱ng mbwak nyin. Nyi beang á̱pyia̱ nyin, ma̱nang zi̱ ku ntak ma̱ng a̱nyin a̱ni.

A̱gwaza ku yei nzi̱t, zi̱ swan a̱shi̱shi̱k nswat bah. A̱wot a̱ yei nzi̱t, zi̱ jaat á̱pyia̱ nzi̱t zi̱ swan a̱za̱za̱rak nswat wa.