Աստվածաշնչի հայտնի հատվածներ 1 Yoona 3-ից

Կիսվել

Da̱ a̱kwonu a̱kya, nyin mman nung, nyi yok shei chat á̱ghyang nyin hu ma̱ng a̱nu kya bah. Nyi tak chat á̱ghyang nyin hu di̱ nyia̱ á̱tsatsak nta̱m wa ma̱ng a̱chuchuk.

Si̱sak nang zi̱ ndyen kyang nang a̱tsak chat wu yet a̱ni, jija ji: Yesu tak zi̱t chat nggu hu di̱ si̱sak nang gu nnwuak swuan nggu ji da̱nian nzi̱t a̱ni. Ma a̱nia wa, ku myim nzi̱t meang zi̱ ma nwuak swuan nzi̱t ji da̱nian á̱niet khwi á̱ghyang.

Nyi dam si̱sak ji nang A̱tyia̱ nzi̱t wu nchat zi̱t a̱tsatsak chat a̱ni, mat a̱ kyiak zi̱t nang mman nggu a̱ni. A̱tsak a̱lyiat mman nggu ni̱nia nang zi̱ yet. A̱mgba̱m ma̱ng yet mman A̱gwaza nzi̱t hu, á̱niet mi̱ swanta ba fi̱k nang zi̱ ngyet mman nggu nia bah, mat si̱sak nang ba̱ ndyen nggu a̱ni bah.

Ma a̱nia wa, konyan wa ya a̱son ma̱ng nyia̱ a̱ka̱tuk nyia̱ a̱ nchi̱ri̱ng, ku tak nang gu ngyet a̱si̱ A̱ta̱nyeang wa. Mat A̱ta̱nyeang ka mi̱ nnyia̱ a̱ka̱tuk nyia̱ neet gbangbang. Kyang ku mbyia̱ bai Yesu hu a̱ni huhwa hu; da̱nian gu ka bi̱ri̱m nta̱m A̱ta̱nyeang na.

Á̱niet ba̱ yet á̱tsatsak mman A̱gwaza a̱ni, ba̱ ni̱ ya a̱son ma̱ng nyia̱ a̱ka̱tuk nyia̱ nchi̱ri̱ng bah, mat za̱kwa mba ji tai si̱ A̱gwaza. Mat a̱nia, ba̱ si̱ mi̱n gya a̱son mi̱ nyia̱ a̱ka̱tuk nyia̱ bah. Mat á̱ byin mba neet Ma A̱gwaza tswazwa, ba̱ yet á̱tsatsak mman A̱gwaza nia.

Ka̱ a̱yin byia̱ zwá a̱pyia̱ nggu, a̱ si̱ li a̱ghyang a̱niet nang gu shya̱ mi̱ kunak, a̱wot a̱ si̱ lak fa̱k kunak gu; á̱ na nyia̱ ni á̱ ndyen nang chat A̱gwaza hu nshya̱ ma̱ a̱nggu?

A̱mgba̱m á̱niet ba ba̱ khwi doka nggu ji a̱ni, ba̱ ni̱ byia̱ a̱meang di̱ mun á̱pyia̱ ma̱ng Yesu. Nggu meang, a̱ si̱ byia̱ a̱meang di̱ mun á̱pyia̱ ma̱ng a̱mba. A̱wot si̱sak ji nang zi̱ ndyen nang gu nswan swat mun a̱pyia̱ ma̱ng a̱nzi̱t a̱ni, huhwa yet: A̱za̱za̱rak Ntswa nggu wu nang gu ka̱n nang nzi̱t a̱ni, swan mi̱ nfwuo nzi̱t na.

Ma̱ninika, zi̱ lyen si̱sak nang á̱ na nfi̱k á̱tsatsak mman A̱gwaza na a̱ni, ma̱ng á̱si̱ ba ba̱ yet mman A̱ta̱nyeang na a̱ni: Kuzang a̱yin da̱ a̱ nyia̱ tsotswat a̱ni bah, a̱wot a̱ si̱ lak chat á̱niet khwi á̱ghyang a̱ni, a̱tyu a̱wa yet a̱si̱ A̱gwaza wa bah.

A̱lyiat nang nyi ku fa̱k neet di̱n tsa hu a̱ni ni̱nia yet: Ku yet ta hwa zi̱ chat á̱ghyang nzi̱t.

Mat a̱nia, nyin á̱na̱nyiuk nung ba, nyi yet á̱niet khwi Kristi a̱ni, ka̱ á̱niet swanta ba lak li nyin, nyi yok fa̱k a̱ga̱de di̱ si̱ a̱hwa bah.