Աստվածաշնչի հայտնի հատվածներ 1 A̱korontiyawa 14-ից

Կիսվել

Mat A̱gwaza wu yet A̱gwaza kyiai swat hwa bah. A̱wot a̱ yet A̱gwaza swat nyinyang wa. A̱nia ku ndi da̱ a̱vwuo a̱ka̱tung susot a̱mgba̱m á̱za̱za̱rak á̱niet khwi A̱gwaza ba.

Nyi tyia̱ a̱lyia̱ di̱ chat á̱ghyang. Nyi bu fwuong di̱dang za̱náng chet A̱za̱za̱rak Ntswa, a̱wot za̱náng chet ji̱ swak á̱kum ka a̱mgba̱m a̱ni, jija yet shei a̱lyiat da̱ a̱kwonu A̱gwaza nang A̱za̱za̱rak Ntswa wu tyai nggu ndyo a̱ni.

A̱wot di̱n vak ghyang, a̱tyu a̱ ni̱ shei á̱niet khwi ba a̱lyiat da̱ a̱kwonu A̱gwaza nang A̱za̱za̱rak Ntswa tyai nggu ndyo a̱ni; a̱ ni̱ tyei mba chet hwa. A̱ si̱ tyei mba gba̱gbak. A̱wot a̱ si̱ bu shyim mba nfwuo na.

A̱tyu a̱ ni̱ lyiat di̱ lilyem A̱za̱za̱rak Ntswa ghyang a̱ni, a̱ ni̱ tyei nwuak a̱chuchuk nggu hu mban chet. A̱wot a̱tyu a̱ ni̱ shei a̱lyiat A̱gwaza na nang A̱za̱za̱rak Ntswa wu tyai nggu ndyo a̱ni; a̱ ni̱ tyei a̱mgba̱m nwuak a̱chuchuk á̱niet khwi hu ku mban chet.

A̱nia wa ku ndi da̱ a̱vwuo nyin. Nang nyi mbyia̱ di̱dang shya̱ za̱náng chet A̱za̱za̱rak Ntswa A̱gwaza ji a̱ni; si̱ nyi chat za̱náng chet ji nang nyi na ntyei a̱mgba̱m á̱niet khwi ba, ba̱ mban chet di̱ khwi hu a̱ni.