Աստվածաշնչի հայտնի հատվածներ 1 Juan 3-ից

Կիսվել

Xje̱eni, jehya irꞌuani ó chróndáchro kixin tjue̱heni kíchóni ndá chaxínhña. Náhí. Ticháxi̱n chrókjua̱ko̱xi̱ni kixin chaxín jína tjue̱heni sin la ko tsjinki̱tsani sin.

A̱ndá jeheni ó noheni nkexrín chrótjue̱heni kíchóni, kixin Ìnchéni Jesucristo la kjua̱ko̱xi̱n tíha, kjuajon chꞌan a̱sén chꞌan kꞌuenyákohe̱n chꞌan ti jeheni; la xi̱kaha kja̱xini ticháxi̱n tso̱tjue̱heni kíchóni kjónté chrókꞌuenyákohe̱ni ti jehe sin.

*Tsjehéra kixin Itꞌéni Díos la imá tjue̱he ti jeheni, la kjuajon chꞌan kjuachaxin itsꞌini xje̱en chꞌan, la chaxín tíha. La xi̱kaha ti chojni chjasintajni la chónhña ti jeheni kixin na̱xa̱ chónhña sin Díos.

A̱ndá ti nkexro tjasin ijie̱ la mé kuènté ti Jínahña; kixin ti Jínahña la xráxín tjasin ijie̱ ndesi xránkíxixín chjasintajni. Méxra̱ ti Xje̱en Díos la ikui kixin sinchekꞌitjáña kaín ti ixra̱ kuènté ti Jínahña.

Nijnko ti nkexro kꞌóna xje̱en Díos na̱xa̱ tjasin ijie̱, kixin ó chónta sin ti kjuachón kjuajon Díos; la í xrokjuahya tsjasin sin ijie̱ kixin jehe sin la ó xje̱en Díos.

Ti ijnko nkexro chónta itsjé nkehe, ndá tꞌikon kixin ijnko nkexro chóntahya ninkehó, la ndá tsi̱konòehña la, ¿nkexrín chróndáchro kixin tjue̱he Díos kaín a̱sén?

Ti nkexro nchexiteyá ti nkehe kꞌue̱to̱an Díos mé tjejóko sin chꞌan, la ko jehe chꞌan tjejóko chꞌan ti jehe sin. Mé xi̱kaha noheni kixin tjejókoni chꞌan kixin ti Ncha̱kuén chꞌan kꞌuáyéhe̱ni.

La xi̱kaha tjatso̱anxíni nkexro ti xje̱en Díos la ko nkexro ti xje̱en ti Jínahña, kixin ti nkexro nchexiteyáhya ti nkehe jína la ko tjue̱hya kícho mé jehya xje̱en Díos tíha.

*Tíhi ti itan kuihínra ndesi xránkíxixín, kixin nkojnkoni la chrótjue̱heni kíchóni.

Kíchóni, chrókóxakuanhñara ti ó tso̱nínkakohanra ti chojni chjasintajni.