Աստվածաշնչի հայտնի հատվածներ Klei Mphŭn Dơ̆ng 39-ից

Կիսվել

Yêhôwa dôk mbĭt hŏng Y-Yôsep, leh anăn ngăn drăp ñu đĭ nanao. Ñu dôk hlăm sang khua ñu, mnuih Êjip.

Gơ̆ lui jih jang mnơ̆ng gơ̆ mâo brei Y-Yôsep kiă kriê; leh anăn gơ̆ amâo lŏ uêñ răng ôh kơ dŏ dô gơ̆, knŏng kơ mnơ̆ng ƀơ̆ng huă. Y-Yôsep jing siam leh anăn kƀăt êkei.

Khua war mnă brei Y-Yôsep kiă jih jang phung mnă hlăm war anăn; leh anăn ya bruă arăng ngă tinăn, ñu jing pô kiă.

Leh anăn khua Y-Yôsep mă Y-Yôsep leh anăn krư̆ ñu hlăm war mnă, anôk arăng krư̆ phung mnă mtao. Y-Yôsep dôk hlăm war mnă. Ƀiădah Yêhôwa dôk mbĭt hŏng Y-Yôsep leh anăn bi êdah klei jăk kơ ñu, brei ñu mâo klei pap ti anăp ală khua war mnă.

Sui ƀiă tinăn, mô̆ khua ñu tluh ƀô kơ Y-Yôsep leh anăn lač, “Đih bĕ hŏng kâo.” Ƀiădah ñu hngah leh anăn lač kơ mô̆ khua ñu, “Nĕ anei, khua kâo amâo uêñ ôh ya dŏ dôk hŏng kâo hlăm sang, leh anăn gơ̆ jao leh jih jang mnơ̆ng gơ̆ mâo hlăm kngan kâo. Gơ̆ amâo jing prŏng hĭn kơ kâo ôh hlăm sang anei; leh anăn gơ̆ amâo hơưi sa mta mnơ̆ng kơ kâo ôh, knŏng ih, kyuadah ih jing mô̆ gơ̆. Si kâo dưi ngă klei ƀai prŏng anei, leh anăn ngă soh hŏng Aê Diê?”

Sa hruê gơ̆ mŭt hlăm sang čiăng mă bruă, leh anăn amâo mâo sa čô mnuih sang anăn dôk hlăm sang ôh. Mô̆ khua gơ̆ djă gơ̆ ti ao leh anăn lač, “Đih hŏng kâo.” Gơ̆ lui ao gơ̆ hlăm kngan ñu leh anăn đuĕ kơ tač.