Աստվածաշնչի հայտնի հատվածներ Proverbo 10-ից

Կիսվել

No kaynakman no asa ka tawo am bendision sia no Apo taya. Yapo ava ya do tanyan na kapangto.

Karoaro no vahevahey mo am kasonosonong mo a makagatos. Dawa an masolib ka am makayhahaw ka so chirin.

Mapasitnan so golo o kaket, pero no addaw am pakaboan na o gatos.

Ipakasiasi no asa ka tawo o talakak na, asna no kapangto am ipaypaynakem.

Sira o omrisibi no paynananawan sira am maypapia sa do viay da, pero sira o di toneng no gatos da am mangananawa o pamandan da.

Sira o matalineng so kapachipanmo am arava o ichavakel da, pero sira o maydaday am maholi sa.

Sincharan mo o Dios tapian manaro o viay mo, ta sira o makagatogatosen am marapit dava ya.

Piahen ava no Apo taya o kapteng da no mapia tawo, pero sira o marahet so aktokto am mahap dava o ichahoho da.

Sira o makagatogatosen am masonong sa mahap no disgrasia, pero sira o manamonamo so viay am arava o kadelikadoan da.