Աստվածաշնչի հայտնի հատվածներ KO SĒNESI 28-ից

Կիսվել

Pea ko eni ko au te u ‘iate koe, pea te u tauhi koe ‘i ho ngaahi founga kotoa pē, pea te u fakafoki koe ki he kelekele ko eni; he ‘e ‘ikai te u li‘aki koe kae‘oua ke u fai ‘a e ngaahi me‘a kuo u lea ai kiate koe.

Pea tā ko Sihova ‘oku tu‘u mei ‘olunga, ‘o ne folofola mai, Ko au ko Sihova ko e ‘Otua ‘o ‘Epalahame ko ho‘o ‘eiki, pea ko e ‘Otua ‘o ‘Aisake; ko e kelekele ‘oku ke tokoto ai, te u ‘atu ia mo‘ou mo ho hako

Pea ofo ‘a Sēkope mei he‘ene mohe, pea ne pehē, Tā ‘oku ‘afio ‘a Sihova ‘i he potu ni, ka u ta‘e‘ilo ki ai ‘e au.

Pea fai ai ‘e Sēkope ‘ene tukumo‘ui, he‘ene pehē, Kapau ‘e ‘iate au ‘a e ‘Otua, pea ne tauhi au ‘i he hala ko eni ‘oku ou ‘alu ai, pea ne tuku mai ha mā ke u kai, mo ha kofu ke u ‘ai, ka u toe ha‘u lelei ki he fale ‘o ‘eku ‘eiki; ‘e toki hoko ‘a Sihova ko hoku ‘Otua; pea ko e maka ni, ‘a ia kuo u fokotu‘u ko e pou, ‘e hoko ia ko e fale ‘o e ‘Otua; pea ‘ilonga ha me‘a te ke ‘omi kiate au te u mātu‘aki ‘atu hono vahe hongofulu kiate koe.

pea ‘e hoko ho hako ke tatau mo e efu ‘o e fonua, pea te ke mafola koe ki lulunga, mo hahake, mo e tokelau, mo e tonga; pea ‘e monū‘ia ‘iate koe ‘a e fa‘ahinga kotoa pē ‘o e kelekele, pea ‘i ho hako foki.

Pea ne fakahingoa ‘a e potu ko ia ko Pēteli (ko Fale-‘o-e-‘Otua); ka ko Lusa ‘a e hingoa ‘o e kolo ‘i mu‘a.