Kisi Bible © Bible Society in Liberia, 2015.

Sɔ̄ɔ̍ŋ le̍bo̍llo̍ŋ
Yāu̍ Yōōŋgū Kɛ̄ndɛ̍ Mɛ̄lɛ̄ka̍a̍ ō Chɔ᷄ŋ po̍o̍nyi̍a̍a̍ wo̍, sūɛ̍i̍ le̍bo᷅lle̍ lēni᷄ŋ, ndi̍ cho̍ ni̍ māā Chi̍i̍su̍ cho̍ ō nda̍ vēēlū āā Dīōmndo̍, o̍ fu̍la̍ o̍ Mɛ̄lɛ̄ka̍ lo̍, ndu̍yɛ̍ mbo̍ wā le̍ fɛ̍ɛ̍ŋ a̍ fɛ̍ɛ̍ŋ ndo̍ wo̍ ni̍. Mi̍ Chɔ᷄ŋ chɔ᷅m māā mi̍, “Dīōmndo̍ ho̍ō sīmnu᷄ŋ wa᷅na̍ chi̍e̍e̍, mbo̍ hu᷄ŋ wa᷅ na̍a̍ tɛ̄ɛ̄ŋ.” Ī chō ī dīmīa̍ŋ o̍ yāu̍ ka̍lāa̍ ni᷄ŋ māā yāu̍wo̍ ho̍ō ō pōōnyi̍a̍ŋ le̍ mī wānāa̍ to̍fā ni̍ŋ le̍ni̍ŋ nda̍ ā lāāla̍ŋ māā Chi̍i̍su̍ cho̍ wāna̍ Mɛ̄lɛ̄ka̍ chu̍a̍ būŋgɛ̄i̍ māā ō chō vīōmɔ̄ɔ̄ le̍ wāŋnda̍ pīŋīo̍o̍ wo̍ ni̍, Mɛ̄lɛ̄ka̍ po̍ ndɔ̄ɔ̍, ndu̍yɛ̍ māā tē ā dɔ̄ū tīīnda᷄ŋndo̍ o̍ ndu̍ ni̍ŋ pɛ̍, ā sɔ̄la̍ yōōmū kpe̍e̍kpe̍i̍yo̍ (Chɔ᷄ŋ 20:31).
O̍ ko̍ŋ kɔ̍ɔ̍lī, mi̍ Chɔ᷄ŋ chɔ̄m wa̍lta̍ kɔ̄ndɔ̄fi̍ltā yɛ̍ yɛ̍la̍ Chi̍i̍sū to̍sa̍ la̍ŋ le̍ chɔ̄mndo̍ māā Chi̍i̍su̍ cho̍ wānā pi̍ŋīāā Mɛ̄lɛ̄ka̍ chu̍a̍ būŋgɛ̄i̍ le̍ yɔ̄ŋndo̍ wo̍ ni̍, Mɛ̄lɛ̄ka̍ Po̍ ndɔ̄ɔ̍. O̍ ko̍ŋ kɔ̍ɔ̍lī, mbo̍ chɔ̄m le̍ nyɛ̄ wa̍lta̍ kɔ̄ndɔ̄fi̍lta̍ŋ nda᷅ŋ lā si᷄m ndo̍. O̍ fo̍ndāŋ kōŋ i̍ cho̍ ī pōōnyīāā a̍ mɛ̄ɛ̍ wāŋnda̍ ā ti᷄ŋ a̍ dɔ̍ū tīīnda᷄ŋndo̍ o̍ Chi̍i̍sū ni̍ŋ nda̍ ā sīmnu᷄ŋ bu̍ɛ̍i̍yāā ndɔ̄ yɛ̍ ni̍. Kɛ̍ ndu̍yɛ̍, wāŋnda̍ ā pūm yɛ̍ ma̍ sīmūl ndu̍, ndu̍yɛ̍, ma̍ kɛ̄ɛ̄ le̍ lāāla᷄ŋndo̍ a̍ ndu̍. Chɔ̍ŋ a̍ bōlīī 13–17 lo̍ŋ i̍ cho̍ ī pōōnyīāā a̍ mɛ̄ɛ̍ Chi̍i̍sū a̍ bu̍ɛ̍i̍yāā ndūa̍a̍ ā wa̍ dīōm pīlɛ̍ kpɔ̍ɔ̍līŋ kpɔ̍ɔ̍līŋ nyūmmā nda̍ bīī ndu̍ wa̍ŋ yɛ̍ ni̍. Lo̍ŋ i̍ cho̍ ī pōōnyīāā a̍ dīōmndā Chi̍i̍sū di̍mu̍l nda̍, le̍ mā wa̍ ā bɛ̄ɛ̄ndīa̍ŋ, ndu̍yɛ̍ le̍ mā wa̍ a̍ kɔ̄ltā sīmūlāā le̍ hūnɔ̄ɔ̄ nda̍ wa̍ ndu̍ bāŋɔ̄ɔ̄ o̍ yɔ̄m sīŋgāfīlāa̍ chōo̍ mā dīī ndu̍ dīi̍mā ndɔ̄ɔ̍ la̍ŋ yɛ̍ ni̍. Sɔ̄ɔ̍ŋ le̍bo̍llo̍ŋ o̍ bōlīī mɛ̄ɛ̄lɛ̄i̍ o̍ yāu̍wo̍ ho̍ō ni᷄ŋ mu̍ŋ cho̍ mu᷅ŋ ni̍. A̍ mɛ̄ɛ̍ nda̍ bīī ndu̍ yɛ̍, a̍ kɔ̍ɔ̍sɔ̍ nda̍ kɔ̄ɔ̄sa̍ a̍ ndu̍ wo̍, a̍ bāŋɔ̄ɔ̄ nda̍ ba᷄ŋ ndu̍ o̍ yɔ̄m sīŋgāfīlāa̍ chōo̍ ma̍ dīī ndu̍ wo̍, a̍ mīīŋgū o̍ mi̍i̍ŋgu̍ yōōmū wo̍, o̍ ko̍ŋ kɔ̍ɔ̍lī a̍ chɔ̄mnɔ᷄ŋ o̍ chɔ̍mnu̍ŋ nāa̍ bu̍ɛ̍i̍yāa̍ ndūa̍a̍ chūā wo̍.
O̍ ko̍ŋ kɔ̍ɔ̍lī, mi̍ Chɔ᷄ŋ ki̍ndīlā sūɛ̍i̍ a̍ yōōmū kpe̍e̍kpe̍i̍ nɔ̍ la̍mɛ̍ɛ̍lu̍ le̍ wo̍ o̍kɔ̄ɔ̄, ō Mɛ̄lɛ̄ka̍ kāndū wa᷅ŋnda̍ kīo̍o̍ chi̍e̍ēŋ na̍nu᷄ŋ fɛ̍lɛ̍ŋ ndo̍, ō Mɛ̄lɛ̄ka̍ kē wa̍nā wo̍, tē a̍ chɛ̍l pɛ̍ Chi̍i̍sū māā ndu̍ cho̍ nɛ̄īyo̍, a̍ tōnya̍a̍, a̍ yōōmōo̍ wo̍ ni̍. Nyɛ̍ cho̍ a̍ yāu̍ Chɔ᷄ŋ ndo̍ o̍kɔ̄ɔ̄ wo̍, ndu̍ cho̍ dɔ̄wɔ̄ɔ̄ o̍ dɔ̍ū sɔ̄ɔ̍ŋ wāŋnda̍ sīnā wa̍la̍ŋ le̍ pɛ̄ɛ̄kōo̍ a̍ sɔ̄ɔ̍ŋ Mɛ̄lɛ̄ka̍ŋ o̍kɔ̄ɔ̄ wo̍ŋ ni̍. Mu̍ŋ cho̍ mu᷅ŋ ni̍, mɛ̄ŋnda̍ŋ, a̍ bēe̍dīi̍yo̍, a̍ nyɛ̄ wa̍wo̍ŋndo̍, a̍ wānā ma̍ndāā lāsāa̍, a̍ kɔ̄mndē tɔ̄lɔ̄ɔ̍.
Būŋgāŋ lēbōllo̍ŋ
Sɔ̄ɔ̍ŋ le̍bo̍llo̍ŋ (1:1-18)
A̍ Chɔ᷄ŋ Wānā Yi̍ŋāa̍ o̍kɔ̄ɔ̄ ndu̍yɛ̍ a̍ bu̍ɛ̍i̍ya̍a̍ tāsi̍a̍a̍ Chi̍i̍sūa̍a̍ (1:19-51)
A̍ wa̍li̍ Mɛ̄lɛ̄ka̍ Chi̍i̍sū to̍sa̍ wo̍ o̍kɔ̄ɔ̄ (2:1–12:50)
A̍ pālɛ̍i̍ mɛ̍ɛ̍lɛ̄i̍ Chūlu̍sɛ̄lɛ̄m o̍kɔ̄ɔ̄ ndu̍yɛ̍ a̍ Chūlu̍sɛ̄lɛ̄m īkɛ̄i̍ (13:1–19:42)
A̍ chɔ̄nɔ᷄ŋ Chi̍i̍sōo̍ o̍ sɛ̄īyo̍ ni᷄ŋ o̍kɔ̄ɔ̄ ndu̍yɛ̍ a̍ chɔ̄mnɔ᷄ŋ ndɔ̄ɔ̍ (20:1-31)
A̍ chɔ̄mnɔ᷄ŋ che᷅le̍ŋ Chi̍i̍sū chɔ̍mnu̍ŋ Kāli̍lī wo̍ o̍kɔ̄ɔ̄ (21:1-25)

Լսել Chɔ᷄ŋ Sɔ̄ɔ̍ŋ le̍bo̍llo̍ŋ