Népszerű bibliai igeversek innen: NA LAKO YANI 2

Megosztás

A sa rogoca na nodra vutugu na Kalou, a sa nanuma na Kalou na nona vosa ni yalayala vei Eparaama, vei Aisake, kei Jekope. A sa raici ira na Isireli na Kalou, a sa golevi ira na Kalou.

Ia ni sa oti e vuqa na yabaki, sa qai mate na tui Ijipita; a ra sa vutugu na Isireli e na vuku ni nodra veivakasaurarataki, a ra sa tagi; a sa lako cake vua na Kalou na nodra tagi, e na vuku ni nodra veivakasaurarataki.

A sa tubu na gone, a sa kauti koya tale na yalewa ki na luve i Fero ka yalewa, a sa susuga me luvena. A sa vakayacani koya ko Mosese: ka kaya, E na vuku ni'u a vueta mai na wai.

A sa kaya vua ko koya na luve i Fero, Mo kauta na gone oqo, ka susuga me noqu, ka'u na solia vei iko na kemui sau. A sa kauta na gone na yalewa, ka susuga.

A sa lako sobu na luve i Fero na gone yalewa, me sili e na uciwai; a ra sa gade voli na nona vada mai na bati ni uciwai; ia ni sa kunea ko koya na waqa e na veikuta, sa tala na nona vada me kauta mai.

Ia e na gauna ko ya, ni sa tubu ko Mosese, sa lako yani vei ira na wekana, a sa vakaraica na nodra i tavi bibi: a sa kunea e dua na kai Ijipita ni sa yavita tiko e dua na Iperiu, e dua vei ira na wekana. A sa veiraiyaki, ka raica ni sa sega na tamata, sa qai mokuta na kai Ijipita, ka vunia e na nuku.