Népszerű bibliai igeversek innen: NA LAKO YANI 3

Megosztás

A sa kaya vei Mosese na Kalou, SA BULA KOI AU VAKAI AU: a sa kaya, Ko na vosa vakaoqo vei ira na Isireli, O koya sa yacana SA-BULA-KOI-AU sa talai au vei kemuni.

A sa kaya ko koya, Au na tiko vakaidina kei iko: ia oqo sa kenai vakatakilakila vei iko, ni'u sa talai iko: Ni ko sa kauti ira tani na tamata mai Ijipita, dou na qarava na Kalou e na ulu-ni-vanua oqo.

A sa kaya ko koya, Mo kakua ni toro voleka mai ki ke: mo luvata tani na nomu i vava mai na yavamu, ni sa qele tabu na tikina ko sa tu kina.

A sa kaya ko Jiova, Au sa raica dina na nodra rarawa na noqu tamata, era sa tiko mai Ijipita, ka'u sa rogoca talega na nodra tagi e na vukudra era sa lesia vakabibi na nodra cakacaka; ni'u sa kila na nodra rarawa: ia ka'u sa lako sobu mai me'u vakabulai ira mai vei ira na kai Ijipita, ka me'u kauti ira cake mai na vanua ko ya ki na vanua vinaka ka levu sara, ki na vanua sa dave kina na wai-ni-sucu kei na oni; ki na nodra yasana na kai Kenani, kei na Itaiti, kei na Amoraiti, kei na Perisaiti, kei na Aivaiti, kei na Jepusaiti

A sa rairai vua ko koya na Agilose i Jiova e na yameyame ni bukawaqa mai na loma ni dua na kau: a sa raica ka sa kama tiko na kau e na bukawaqa, ka sa sega ni yavu na kau.

oqo, mo ia, au na talai iko vei Fero, mo kauti ira tani kina na noqu tamata na Isireli mai Ijipita.