Népszerű bibliai igeversek innen: Imigani 22

Nutoza umwana muto inzira agomba gukurikira, naba n’umusaza ntazayiteshukaho.

Uwicisha bugufi abisaruramo gutinya Uhoraho, ubukire, icyubahiro n’ubugingo.

Kuvugwa neza biruta ubukungu bwinshi, kubahwa bikaruta feza na zahabu.

Ntugacudike n’umunyamujinya, kandi ntukagendane n’umuntu warakaye

Ufite ijisho rirebana impuhwe azahabwa umugisha, kuko agabanya ku mugati we, agaha umukene.

Umunyabwenge abona icyago kije, akihisha, naho injiji zikiyahuramo, zikabiryora.

Umukire ategeka abakene, kandi uguza ahinduka umugaragu w’umugurije.

Umukire n’umukene bafite icyo bahuriyeho, bombi ni Uhoraho wabaremye.

Ntuzambure umukene kuko ari umukene, ntuzahutarize ku rugi utishoboye, kuko Uhoraho azababuranira, akica ababakandamiza.