Népszerű bibliai igeversek innen: Romans 4

Megosztás

သူသည် မည်သည့်အခါ၌မျှ ဘုရားရှင်၏ ကတိစကားကို ယုံမှားသံသယ မဖြစ်ခဲ့ပေ။ ကိုယ်တော့်အပေါ်တွင်ထားရှိသော ယုံကြည်မှုကိုလည်း မစွန့်လွှတ်ခဲ့ပေ။ ဘုရားရှင်ကို ယုံကြည်သည်ဖြစ်၍ ခွန်အားပြည့်ဝလာ၏။ ထို့ကြောင့် သူသည် ဘုရားရှင်၏ ဂုဏ်တော်ကိုချီးမွမ်းခဲ့ပေသည်။ ဘုရားရှင်သည် မိမိကတိထားတော်မူသည့်အတိုင်း ပြုတော်မူနိုင်ကြောင်း အာဗြဟံသည် အကြွင်းမဲ့ ယုံကြည်သည်ဖြစ်၏။

"ငါသည် သင့်အား လူမျိုးအမြောက်အများတို့၏ အဖဖြစ်စေပြီ" ဟုကျမ်းစာတော်တွင် ဖော်ပြသည်နှင့်အညီ ဖြစ်သည်။ သို့ဖြစ်၍ ဘုရားရှင်၏ရှေ့တော်၌ ထိုကတိတော်သည် တည်ရခြင်းဖြစ်၏။ ဘုရားရှင်သည် အာဗြဟံ ယုံကြည်သောဘုရား၊ သေသူတို့ကို အသက်ရှင်စေသောဘုရား၊ ယခင်က မဖြစ်ဘူးသည့်အရာများကို ဖြစ်ပေါ်စေရန် အမိန့်ပေးတော်မူသော ဘုရားဖြစ်တော်မူ၏။

ထိုအရှင်သည် ငါတို့၏အပြစ်များကြောင့် အသေခံစေရန်အပ်နှံခြင်းကို ခံယူတော်မူ၏။ ငါတို့အား ဘုရားရှင်နှင့် မှန်ကန်စွာ ဆက်ဆံနိုင်စေရန်အတွက် ဘုရားရှင်သည် ကိုယ်တော်အား သေခြင်းမှ အသက်ပြန်ရှင်စေတော်မူ၏။

အာဗြဟံသည် မျှော်လင့်ချက်မဲ့သည့် အခြေအနေ၌ပင်လျှင် ဘုရားရှင်အား ယုံကြည်ခဲ့၏။ သို့ဖြစ်၍ သူသည် လူမျိုးအမြောက်အမြားတို့၏ အဖဖြစ်လာ၏။ ကျမ်းစာတော်တွင် "သင်၏အမျိုးအနွယ်တို့သည် ကြယ်များကဲ့သို့ များပြားလာလိမ့်မည်" ဟုဖော်ပြထားသည့်အတိုင်းဖြစ်၏။

သို့ဖြစ်၍ အာဗြဟံ၏ သားမြေးအပေါင်းတို့သည် ဘုရားရှင်၏ကတိတော်ကို အခမဲ့ခံစားခွင့်ရှိကြောင်း အာမခံချက်ရှိစေရန် ကိုယ်တော်သည် အာဗြဟံ၏ ယုံကြည်မှုအပေါ်တွင်အခြေခံ၍ ကတိထားတော်မူ၏။ ထိုကတိတော်သည် ပညတ်တရားကို စောင့်ထိန်းသူကြများအတွက်သာလျှင် မဟုတ်ပေ။ အာဗြဟံကဲ့သို့ ဘုရားရှင်ကို ယုံကြည်ကြသူတို့အတွက်လည်းဖြစ်၏။ အဘယ်ကြောင့်ဆိုသော် အာဗြဟံသည် ငါတို့အားလုံး၏ အဖဖြစ်သောကြောင့်ဖြစ်ပေသည်။

မိမိ၏ အပြစ်များကို ထာဝရဘုရား မှတ်ယူတော်မူခြင်းကို မခံရသောသူသည်မင်္ဂလာရှိ၏" ဟုမြွက်ဆိုလေသည်။ အကယ်၍ ယောရှုပေးသည့် ငြိမ်ဝပ်ရာချမ်းသာသည် ဘုရားရှင်ကတိထားတော်မူသည့် ငြိမ်ဝပ်ရာချမ်းသာဖြစ်ပါမူ ဘုရားရှင်သည် အခြားနေ့ရက်တစ်ရက်အကြောင်းကို မိန့်ကြား‌‌‌‌‌‌‌တော်မူမည်မဟုတ်ပေ။

ကျမ်းစာတော်က "အာဗြဟံသည် ဘုရားရှင်အား ယုံကြည်သဖြင့် ဘုရားရှင်သည် သူ့အား ဖြောင့်မတ်သူအဖြစ် လက်ခံတော်မူခဲ့၏" ဟုဆိုလေသည်။