Népszerű bibliai igeversek innen: ရှင်လုကာ 17

Megosztás

ထိုရှမာရိပြည်သားအား “ထ၍ သွားလော့။ သင်၏ယုံကြည်ခြင်းသည် သင့်ကို ကျန်းမာစေပြီ” ဟု မိန့်တော်မူ၏။

တစ်နေ့အတွင်း သူသည် သင့်ကိုခုနှစ်ကြိမ်တိုင် ပြစ်မှားလျက် သင့်ထံသို့ အကြိမ်တိုင်းလာ၍ တောင်းပန်ပါက သူ့ကိုခွင့်လွှတ်ရမည်” ဟု မိန့်တော်မူ၏။

ထိုသူတို့ထဲမှ တစ်ဦးသည် အနာကြီးရောဂါ ပျောက်ကင်းသွားသည်ကို သိမြင်လျှင် ဘုရားရှင်၏ဂုဏ်တော်ကို ကျယ်လောင်စွာ ချီးမွမ်း၍ ကိုယ်တော်ထံသို့ ပြန်လှည့်လာလေ၏။ ထို့နောက် သူသည် ကိုယ်တော်၏ခြေတော်ရင်း၌ ပျပ်ဝပ်၍ ကျေးဇူးတော်ကို ချီးမွမ်းလေ၏။ ထိုသူသည်ကား ရှမာရိအမျိုးသားတစ်ဦးဖြစ်၏။

ထို့ကြောင့် သင်တို့သည် မိမိကိုယ်ကို သတိမူ၍နေကြလော့။ သင်ကဲ့သို့ ယုံကြည်သူဖြစ်သော ညီအစ်ကိုတစ်ဦးသည် အပြစ်ပြုမိလျှင် သူ့ကိုဆုံးမသွန်သင်လော့။ သူသည် နောင်တသံဝေဂရလျှင် သူ့ကိုခွင့်လွှတ်ကြလော့။

ထိုအခါ ကိုယ်တော်က “အနာကြီးရောဂါပျောက်ကင်းသူသည် တစ်ဆယ်ဦးမဟုတ်လော။ အခြားသူကိုးဦးသည်ကား အဘယ်မှာနည်း။

ကိုယ်တော်ကလည်း “သင်တို့၌ သေးငယ်လှစွာသောမုန်ညင်းနက်စေ့ခန့်မျှ ယုံကြည်ခြင်းရှိလျှင်ပင် ဤပိုးစာပင်အား အမြစ်မှကျွတ်ထွက်၍ ပင်လယ်ထဲ၌ပေါက်စေဟု အမိန့်ပေးလျှင် ထိုအပင်သည် သင်တို့ကိုနာခံလိမ့်မည်။

မိမိအသက်ကို ကယ်တင်လိုသောသူသည် ဆုံးရှုံးရလိမ့်မည်။ သို့သော် ငါ့အတွက် မိမိအသက်ကို စွန့်သောသူသည်ကား ကယ်တင်ခြင်းကို ခံရလိမ့်မည်။

ထို့နောက် ကိုယ်တော်ယေရှုသည် တပည့်တော်တို့အား “လူတို့အား အပြစ်ကျူးလွန်မိစေရန် လှုံ့ဆော်သောအရာများစွာရှိ၏။ သို့သော် လူတို့အား အပြစ်ကျူးလွန်မိစေရန် စေ့ဆော်လုပ်ဆောင်သောသူတို့သည် အမင်္ဂလာရှိ၏။ ထိုသူသည် သူတစ်ပါးကို အပြစ်ဒုစရိုက်ကျူးလွန်စေမည့်အစား မိမိလည်ပင်းကို ကြိုးကွင်းစွပ်ကာ ကျောက်တုံးကို ဆွဲ၍ ပင်လယ်ထဲသို့ ခုန်ချသည်သာ ပို၍ကောင်းပေလိမ့်မည်။

နောဧလက်ထက်တွင် ဖြစ်ခဲ့သည့်အတိုင်း လူ့သားတော်၏နေ့ရက်များ၌လည်း ဖြစ်လိမ့်မည်။ ရေလွှမ်းမိုးတော့မည်ဖြစ်၍ နောဧသည် သင်္ဘောပေါ်သို့ ဝင်သည့်နေ့တိုင်အောင် လူတို့သည် စားလျက်၊ သောက်လျက်၊ ထိမ်းမြားလျက်နေခဲ့ကြသဖြင့် ရေလွှမ်းမိုးခံရကာ သူတို့အားလုံးသည် သေဆုံးပျက်စီးခဲ့ရ၏။