Népszerű bibliai igeversek innen: 1 Timothy 1

Megosztás

ယေရှုခရစ်တော်သည် အပြစ်သားများကို ကယ်တင်ရန် ဤလောကသို့ ဆင်းကြွလာသည်ဟူသော စကားသည် လုံးဝမှန်ကန်ပြီး အပြည့်အဝလက်ခံထိုက်၏။ ထိုအပြစ်သားများအနက် ကျွန်ုပ်သည် အဆိုးဆုံးဖြစ်၏။

သို့သော်လည်း ယေရှုခရစ်တော်သည် အဆိုးဆုံးဖြစ်သူ ကျွန်ုပ်အပေါ် သူ၏ အဆုံးမဲ့သည်းခံခြင်းကို ဖော်ပြရန် ရည်ရွယ်သောကြောင့် ကျွန်ုပ်အပေါ် ကရုဏာထားတော်မူ၏။ ဤသည်ကား ကိုယ်တော်ကို ယုံကြည်၍ နိစ္စထာဝရအသက်ကို ရရှိကြမည့်သူများအတွက် ကျွန်ုပ်ကို စံနမူနာအဖြစ် ထားရန်ဖြစ်၏။

ဤသို့ ပညတ်ရသည့် ရည်ရွယ်ချက်မှာ စင်ကြယ်သောစိတ်နှလုံး၊ ကြည်လင်သော အသိစိတ်နှင့် စစ်မှန်သောယုံကြည်ခြင်းတို့မှ ဖြစ်ပေါ်လာသော ချစ်ခြင်းမေတ္တာဖြစ်၏။

နိစ္စထာဝရဘုရင်ဖြစ်တော်မူသော၊ ထာဝရအသက်ရှင်တော်မူသော၊ မျက်စိဖြင့်မမြင်နိုင်သော၊ တစ်ဆူတည်းသော ဘုရားရှင်သည် ကမ္ဘာအဆက်ဆက် ဂုဏ်ကျက်သရေ၊ ဘုန်းတန်ခိုးတော် ရှိတော်မူပါစေသော။ အာမင်။

ပညတ်တရားသည် ဖြောင့်မတ်သူတို့အတွက် ချမှတ်ထားသည်မဟုတ်ဘဲ တရားမဲ့သောသူများ၊ ပုန်ကန်ထကြွသူများ၊ ဘုရားတရားကင်းမဲ့သောသူများ၊ အပြစ်သားများ၊ မြင့်မြတ်မှုမရှိသောသူများ၊ ဘုရားတရားမကိုင်းရှိုင်းသူများ၊ မိဘကို သတ်သူများ၊ လူသတ်သမားများ၊ အိမ်ထောင်ရေးဖောက်ပြန်ကြသူများ၊ လိင်တူချင်းမေထုန်ပြုသူများ၊ လူကုန်ကူးသူများ၊ လိမ်လည်သူများ၊ မမှန်သောသက်သေခံသူများနှင့် မှန်ကန်သောဩဝါဒကို ဆန့်ကျင်သမျှသောအရာတို့အတွက် ချမှတ်ထားကြောင်း ကျွန်ုပ်တို့ သိကြသောကြောင့် ဖြစ်၏။