Népszerű bibliai igeversek innen: 1 Corinthians 6

Megosztás

သင်တို့၏ကိုယ်ခန္ဓာသည် သင်တို့ဘုရားရှင်ထံမှလက်ခံရရှိထားသော သင်တို့အတွင်း၌ကိန်းဝပ်နေသည့် ဉာဏ်အလင်းတော်၏ ဗိမာန်တော်ဖြစ်သည်ကို သင်တို့မသိသလော။ သင်တို့သည် သင်တို့ကိုယ်သင်တို့ မပိုင်ဆိုင်ပေ။ ထို့ကြောင့် သင်တို့၏ကိုယ်ခန္ဓာဖြင့် ဘုရားရှင်၏ဂုဏ်တော်အားထင်ရှားစေကြလော့။

ကောက်ကျစ်သောသူတို့သည် ဘုရားရှင်၏သာသနာတော်ကို အမွေမခံရသည်ကို သင်တို့မသိကြသလော။ အယူမလွှဲကြနှင့်။ မတရားသောမေထုန်၌ မှီဝဲသောသူ၊ ရုပ်တုကို ကိုးကွယ်သောသူ၊ သူတစ်ပါးသားမယားကို ပြစ်မှားသောသူ၊ အမျိုးသားအချင်းချင်းမေထုန်ပြုသောသူ၊ သူတစ်ပါးဥစ္စာကိုခိုးသောသူ၊ လောဘကြီးသောသူ၊ သေရည်အရက်သောက်သုံးမူးယစ်သောသူ၊ သူတစ်ပါးအားဆဲရေးတိုင်းတွာသောသူ၊ လိမ်လည်လှည့်ဖြားသောသူတို့သည် ဘုရားရှင်၏သာသနာတော်ကို အမွေရလိမ့်မည်မဟုတ်ပေ။

မတရားသောမေထုန်ပြုကျင့်ခြင်းကိုရှောင်ကျဉ်ကြလော့။ လူတို့ပြုတတ်သော အခြားအပြစ်ဒုစရိုက်အားလုံး တို့သည် ကိုယ်ခန္ဓာ၏အပြင်မှကျူးလွန်ခြင်းဖြစ်သော်လည်း မတရားသောမေထုန်ကိုပြုသောသူတို့သည်ကား သူတို့၏ကိုယ်ခန္ဓာအားပြစ်မှားခြင်းပင်ဖြစ်သည်။

သင်တို့ထဲမှအချို့သည် “အကျွန်ုပ်သည်အရာအားလုံးကိုလုပ်ပိုင်ခွင့်ရှိသည်” ဟုပြောဆိုကြသော်လည်း အရာအားလုံးသည်အကျိုးအမြတ်ရှိသည်တော့မဟုတ်ပေ။ သင်တို့ထဲမှအချို့သည် “အကျွန်ုပ်သည်အရာအားလုံး ကိုလုပ်ပိုင်ခွင့်ရှိသည်” ဟုပြောကြသော်လည်း အကျွန်ုပ်သည်မည်သည့်အရာကိုမျှကျွန်ခံမည်မဟုတ်ပေ။

ဘုရားရှင်သည် သူ၏တန်ခိုးတော်ဖြင့် အရှင့်ကို ပြန်လည်ရှင်သန်ထမြောက်စေတော်မူသည်ဖြစ်ပြီး အရှင်သည် လည်းအကျွန်ုပ်တို့ကိုပြန်လည်ရှင်သန်ထမြောက်လိမ့်မည်ဖြစ်သည်။