Népszerű bibliai igeversek innen: 1 Corinthians 2

Megosztás

သို့သော် ကျမ်းစာထဲတွင် “ဘုရားရှင်သည် သူအားချစ်မြတ်နိုးသောသူများအတွက် မည်ကဲ့သို့ပြင်ဆင်ထားသည်ကို မည်သူမျှစိတ်အားဖြင့်ဖြစ်စေ၊ မျက်လုံးအားဖြင့်ဖြစ်စေ၊ နားအားဖြင့်ဖြစ်စေ မမြင်မကြားကြပေ” ဟုရေးသားထားသည်။

ဉာဏ်အလင်းတော်မရှိသောလူတစ်ယောက်သည် ဘုရားရှင်၏ဉာဏ်အလင်းတော်ထံမှလာသော အကြောင်းအရာများကိုလက်ခံမည်မဟုတ်ပေ။ အဘယ်ကြောင့်ဆိုသော် ထိုအကြောင်းအရာများသည် ထိုသူ့အတွက်အဓိပ္ပာယ်မရှိသောကြောင့်ဖြစ်ပြီး သူသည်၎င်းတို့ကိုနားမလည်သောကြောင့်လည်းဖြစ်သည်။ လူတစ်ယောက်သည် ဉာဏ်အလင်းတော်၏အကူအညီဖြင့်သာ ထိုအကြောင်းအရာများကိုနားလည်နိုင်သည်။

သို့သော် ဘုရားရှင်သည် ဉာဏ်အလင်းတော်အားဖြင့် ဤအရေးပါလှသောအကြောင်းအရာများကို အကျွန်ုပ်တို့ အားဖော်ပြခဲ့ပြီးဖြစ်သည်။ ဉာဏ်အလင်းတော်သည်အရာအားလုံးကိုသာမက ဘုရားရှင်၏လျှို့ဝှက်နက်နဲလှသော အကြံအစည်များကိုပင်သိတော်မူသည်။

အကျွန်ုပ်တို့သည် ဤလောကရှိလူတို့လက်ခံထားသောအတွေးအခေါ်များကိုလက်ခံထားကြသည်မဟုတ်။ သို့သော် အကျွန်ုပ်တို့သည် ဘုရားရှင်၏ဉာဏ်အလင်းတော်ကိုလက်ခံရရှိထားသည်ဖြစ်သောကြောင့် ဘုရားရှင်သည်သူ၏ကျေးဇူးတော်အားဖြင့် အကျွန်ုပ်တို့ကိုပေးအပ်သောအရာမှန်သမျှကို အကျွန်ုပ်တို့သိနိုင်မည် ဖြစ်သည်။

အကျွန်ုပ်၏သတင်းစကားနှင့် အကျွန်ုပ်၏ဟောပြောချက်များသည် အကျွန်ုပ်၏ကိုယ်ပိုင်ဉာဏ်ပညာအတွေး အခေါ်များဖြင့်ပြောခြင်းမဟုတ်သကဲ့သို့ လိမ္မာပါးနပ်စွာအငြင်းပွားခြင်းများလည်းမပြောခဲ့ပေ။ သို့သော် သန်ု့ရှင်းသောဝိညာဉ်တော်သည် သူ၏တန်ခိုးအာဏာအားပြသခဲ့ပြီးဖြစ်သည်။ ထို့ကြောင့် သင်တို့၏ယုံကြည်မှုသည် လူတို့၏ဉာဏ်ပညာပေါ်တွင်မမူတည်ပဲ ဘုရားရှင်၏တန်ခိုးအာဏာ၌ သာမူတည်ရမည်ဖြစ်သည်။