Népszerű bibliai igeversek innen: 1 कुरिन्थियों 13

Megosztás

क्युं क जिम्अ परेम होव्अ छ वो थरचा राख्अ छ, अर दीया करअ छ; अर वो बळोकड़ो पणो कोन राख्अ; अर खुदकी बड़ाई अर घमण्ड सुं फुल्अ कोन्अ, अर वो बरी चाल कोन चाल्अ, अर खुदकी भलाई बी कोन छाव्अ, झटदाणी रोसां कोन होव्अ, अर बराई को बदलो बराई सुं कोन देव्अ।

परेम सबळी बाता न्अ सह लेव्अ छ, सबळी बाता प बस्वास राख्अ छ, सबळी बाता की आस राख्अ छ, अर सबळी बाता बेई गम खाव्अ छ।

अर न्अ कुकर्म सुं राजी होव्अ पण सच्चाई सुं राजी रेव्अ छ।

पण अब बस्वास, आस, अर परेम ये तीनु कोन टळ्अ पण परेम याम्अ सबळा सुं बड़ो छ।

परेम कद्‍या बी कोन टळ्अ; अर आग्अ सुं परमेसर की ओड़ी सुं बोलबो डट जाव्अली; न्यारी-न्यारी भाषा म बोलबा को बरदान बी खतम हो जाव्अलो; अर ज्ञान बी जातो रेव्अलो।

ज्यो म मनखा की अर सरगदूता जस्यानकी बोली बोलु पण लोगबागा सुं परेम कोन करू, तो म रिता बरतन की जस्यान झण्णातो रेऊ छु।

अर ज्यो म परमेसर की ओड़ी सुं बोलु अर म सबळा भेद अर सबळा ज्ञान न्अ बी जाणल्यु, अर मन्अ अण्डअ ताणी बी बस्वास होव्अ क म डुंगरा न्अ बी हटा सकूं छु, पण परेम कोन करू, तो म कांई कोन्अ।

अर ज्यो म म्हारी सबळी धन सम्पत्ति गरीबा म बांट द्‍यु, अर म चोखा समचार का परचार बेई म्हारी काया न्अ बलिदान बेई दे द्‍यु। अर परेम कोन करू, तो मन्अ कांई फाईदो।

जद्‍या म बाळक छो तो बाळका की जस्यान बोल्अ छो, अर बाळक जस्यो मन छो, अर बाळक जसी समझ छी; पण जद म समझदार हेग्यो तो म बाळका जसी बाता छोड़ दियो।