Népszerű bibliai igeversek innen: Rom 13

Megosztás

Nge oupwe angei än ach Samol Jesus Kraist kewe pisekin maun, oupwe ükütiu le ekieki usun ämi oupwe apwönüetä mochenian fitukemi.

Ousap liwinimang ngeni eman och mettoch, nge iei chök ewe liwinimang oupwe eäni: oupwe echenifengenikemi lefilemi. Iö a föri iei usun a aleasochisi ekewe Allük.

Aramas meinisin repwe aleasochisi nöüwisen ewe mwü mi nemeniir. Pun esap wor ar nemenem are Kot esap mwütätä ngeniir, nge Kot a ngeni ekewe nöüwis wiser pwe repwe nemenem.

Pwin a arap ngeni chök epwe le la, nge rän epwe le war. Iei mine ousipwe ükütiu le föri föförün rochopwak, nge sipwe angei ekewe pisekin maun pwe sipwe maun lon saram.

Are oua echeni eman, ousap fokun föri och föför mi ngau ngeni. Ren ämi echeni aramas oua apwönüetä ekewe Allük meinisin.

Oupwe ngeni ekei aramas mine oupwe wisen ngeniir. Oupwe mönätiu ämi takises me ekewe sokopaten takises ngeni chokewe ra wisen angei takises senikemi, oupwe meniniti ekewe aramas a wor meniniir, oupwe asamolu ekewe aramas a wor sufölüür.