Népszerű bibliai igeversek innen: Матта 5

Megosztás

Ва чирагъ кабхьиган, думу гъабран кӀанакк ккидривур, хъа, диди хулаъ вардариз акв тувруганси, чан йишвʼин дивур. Гъит гьаци ичв аквну инсанарин арайиъ акв туври, ичв ужудар ляхнар дурариз рякъруганси ва дурари Аьршарин ичв Адаш адлу апӀбан бадали.

Учву дюнʼяйин акв вучва. Дагъдиин али шагьур дярябкъди гъубзидар.

Бахтаврар ву юкӀв марццидар, фицики дурариз Аллагь рякъиди.

Агъайин гьякьвалихъ дахаргнайидар бахтаврар ву, фицики Аллагьди дурар тухъ апӀиди.

Хъа Узу кӀуразачвузки: ичв душмнар ккун апӀинай, ва ичв кьяляхъ хъахьнайидарихъанди ккарагай.

– Бахтаврар ву Аллагьдин улихь касиб вуйидар, фицики Аьршарин Паччагьлугъ гьадраринуб ву.

Ислягьвал гъабхрудар бахтаврар ву, фицики дурариз Аллагьдин веледар пиди.

Бахтаврар ву дерд зигрудар, фицики дурар Аллагьди ккарциди.

Бахтаврар ву Аллагьдин гаф тамам апӀурайиган утӀуккурайидар, фицики Аьршарин Паччагьлугъ гьадраринуб ву.

Бахтаврар ву рягьимлудар, фицики дурарилан хил алдабгъиди.

Бахтаврар вучва учву, гьаз гъапиш, Йиз ученикар хьпаз лигну, учву беябур апӀура, учвухъ хъергра ва учвлан футнийир апӀура. Гьаци беябур апӀури гъахьну учву хьайиз гъахьи пайгъамбрарра. Рази йихьай ва шадвал ачмиш апӀинай, фицики аьршариъ учвуз айи пешкеш зурбаб ву.

Фурс ктрудар бахтаврар ву, фицики дурариз ирс вуди жил рубкьиди.

Учву жилин кьил вучва. Амма кьилан кьилзишин гъудубгиш, думу фти кьилзи апӀиди? Думу сарун фтизкӀа ярамиш шулдар: думу сарун, инсанарин ликариккан апӀруси, гатӀабхьиди.

Гьаци вуйиган, ичв Аьршарин Адашси, тамамлудар йихьай.

Эгер увуз «ав» пуз ккунди аш, гьаци «ав» йип; «ваъ» пуз ккунди аш, гьаци «ваъ» йип. Хъа митӀлан артухъ вуйиб иблисдихьан ву.

Учвуз гъеебхьунчвуз, дупна: «Уву шлинкӀа ул идипиш, яв улра идипну ккун, ва уву шлинкӀа силиб идипиш, яв силибра идипну ккун». Хъа Узу кӀуразачвузки: писвализ писвал мапӀан. Яв арччул гарцӀликкан бачӀ ккадатуриз тмунубра ккив.

Эгерки яв арччулну ули уву гунгьихъна гъахураш, думу адабгъ ва гатӀабхь тина, фицики бедендин саб гьендемдихьан шуб ужу вувуз, яв вари беден жегьеннемдиъ ипайиз. Ва эгер яв арччул хили уву гунгьихъна гъахураш, хъадабтӀ думу ва гатӀабхь тина, фицики бедендин саб гьендемдихьан шуб ужу вувуз, яв вари беден жегьеннемдиъ ипайиз.