Ñwed Mbon Rom 10
10
1Nditọete, se ido udọñ esịd mmi ye akam a-ami mbọññọ nnọ Abasi mbaña nditọ Isrel ado yak ammọ ekpekap ebọ adinyaaña. 2Sia mmekan aditie ntiense mbaña ammọ nte ke ammọ e-enie udọñ enọ Abasi, ado udọñ ammọ isañake ye ifiọk. 3Sia ammọ imiikidiọọñọke adinenido Abasi ado eyem adikeene usʌñ a-ammọ, ammọ ikisuuhọ iwuod inọ adinenido Abasi. 4Krais ado utịd afịd mbed nọ ato do adinenido aba anọ afịd awo se inịm ke akpanikọ.
5Moses awet ami abaña usʌñ adinenido a-asañake ke mbed: “Awo a-anamma mme ñkpọ ami adiidu uwem akeene mme mbed ami.” 6Ado adinenido a-atooho ke mbuọdidem abo ntom: “Kuubo ke esịd mfo, ‘Anie adiidọọk ika hefịn?’ ” (a-adooho, adisuuhọ Krais itie) 7“me, ‘Anie adiitịkke idʌk ke ntotəño itie?’ ” (a-adooho, adibenne Krais nsio ke ñkpa). 8Ado nsoo ke anye atañ? “Ikọ u-ukpere fiin; asịne ke inua mfo ye ke esịd mfo,” a-adooho, ikọ mbuọdidem a-ñnyịn ikwọrọke ibaña: 9Adieke afo atañña ke inua mfo abo ke, “Yisọs ado Abọọñ” ndin anyʌñ anịm ke esịd mfo ate ke Abasi amaanam anye aset ke ñkpa, afo ayaanie adinyaaña. 10Sia ado ke esịd mfo ke afo anịm ke akpanikọ ndin anie unen, ñko ato ke inua mfo, afo ayaara mbuọdidem mfo ndin anie adinyaaña. 11Nte ikọ Abasi atañña, “Awo keed akeedodo a-anịmme Yisọs ke akpanikọ idiikịtte asuenne ke nsi-nsi.” 12Sia ukpʌhọde ibaaha ke ufọọd mme Yuu ye mme Gentile, ukem Abọọñ ado ado Abọọñ afịd awo a-adiọññọ afịd awo se ikoot anye ayọhọ-ayọhọ, 13sia, “Afịd awo se ikoot anyịñ Abọọñ eyaebọkkọ.”
14Die ke ammọ ediikan ikoot anye a-ammọ imiinịmme ke akpanikọ? Die ke ammọ ediikan inịm anye a-ammọ imiikoppo ñkpọ ibaña? Die ke ammọ ediikop ke ini awo se ikwọrọ ikọ Abasi inọ ammọ imiibaaha? 15Die ke awo adiikwọrọ ke imiibọhọke edọdọñ ammọ? Kpa naña ewet, “Ñkpad mbon ado edatta eti etob edi ayaiya eti-eti!”
16Ado idooho afịd nditọ Isrel ekenyịmme eti etob ami. Sia Aisaiya a-abo, “Abọọñ, anie awo inịm mbʌk ñnyịn ke akpanikọ?” 17Ke ntoro, mbuọdidem ato ke adikop etob, ndin adikop etob ato ikọ a-abañake Krais. 18Ado ami mbịp, nte ammọ ikikoppo? Ke akpanikọ, ammọ emaekop:
“Uyio ammọ amaawuọ adʌk afịd ederimbod,
ikọ ammọ ñko amaawuọ utịd ederimbod.
19Ñko mmaana mbịp: Ado nte ikinwañake Isrel? Akpa, Moses abo,
“Ami ñyaanam ndufo efịbe ufịb ebaña mbon i-imiidooho idịd;
Ami ñyaanam ndufo eyat esịd ebaña idịd i-imiinieghe ndiọọñọidem.”
20Ndin Aisaiya atañ uko-uko ate,
“Mbon i-imiikiñyemme miin emaeñkịt;
ami mmaayaara idem mmi nnọ mbon i-mmiikibịppe imbaña miin.”
21Ado ke atuuhọ Isrel anye abo ntom ate,
“Afịd usen ami mmaanyan ubọk mmi nnọ
mbon ntreutọñ ye mbon ukpọtiọ.”
Chwazi Kounye ya:
Ñwed Mbon Rom 10: ICB
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.