Vèsè popilè nan Bib la ki soti nan Juan 3

Pataje

Tu'nju nimxix tc'ujlalil Dios cyi'j xjal, cyja'tzun ma chin tzaj sama'ne tu'n, akine o'cxcu jun Tc'wa'l, tu'ntzun mi'n cynaj cycyakil keju ma che ocslan wi'je, nok o'cx tu'n tten cychwinklal te jumajx.

Porque minti' ma chin tzaj sama'ne tu'n Dios cyxol xjal tu'n tcub cysentens xjal, nok o'cx tu'n cyclet xjal wu'ne, akine Tc'wa'l.

Xi ttzak'we'n Jesús: —Ax toc cxel nma'ne teya, alcye minti' ma tz'itz'j tcabmaji'n, mlayx tz'el tnic' ti'j tcawbil Dios.

Alcye ma tz'ocslan wi'je, mlay cub t-sentens; atzun keju minti' in che ocslan, ya ma cub cysentens, porque minti' in xi cyocsla'n nyole, akine o'cxcu jun Tc'wa'l Dios.

Ex tu'ntzun jlu, ma cub cysentens xjal; porque ul ju spic'un cyxol xjal, atzun cye xjal mas e tzalaj ti'j tu'n cyten tuj klolj, cyc'i' tu'n cyten tuj spic'un, porque mya ba'n cybinchben.

Cyja'tzun ilxix ti'j tu'n tten mas toclen, atzun weye tu'n tten nok ch'in woclene.

Porque cycyakil keju in che binchan mya ba'n, nne'l cyic'un aju spic'un, ex mi'n cyaj tu'n cyul tuj spic'un, tu'ntzun mi'n tel tuj k'ancha'l aju cybinchben mya ba'n.

Alcye ma tz'ocslan ti'j Tc'wa'l Dios, at tchwinklal te jumajx; atzunju tc'i' tz'ocslan ti'j Tc'wa'l Dios, mlayx ten tchwinklal, nok o'cx cbel jun tcastiw ma'xix tu'n Dios.

Ic tza'n te Moisés jax tk'o'n jun tilbilal lobaj twi tze' tuj lugar minti' cynajbil xjal tuj, icxtzun weye ilxix ti'j tu'n njax k'o'ne, akine sc'o'maj kine tu'n Dios tu'n ntene cyuc'il xjal

Ate Dios Mambaj c'ujla'n Tc'wa'l tu'n, ex o tzaj tk'o'n Mambaj tcyakil tuj tk'ab Tc'wa'l.