Vèsè popilè nan Bib la ki soti nan Matié 7

Pataje

«Ɔ́nuɔŋɛn, páányínúfá; ánuambɛ́t, nuɛ́nyɛ́ɛ́n; ɔ́nutɔɔ́ndɛ́n péényínúfuunin.

Ewú wɔɔŋɔnɛ́ áányípia, ewú waambanɛ́ ɛ́ɛ́nyɛ́ɛ́n, ewú utɔɔndɔnɛ́ péényífuunin wɔ́.

«Índɛ kɔk mɔɔnd kitikit úmɔ́nyɔɔ́p tukál etue ímányíkála woond uwóónyi túú, unyi ɛlɛɛ́ mɔɔnd ewú unyɛɛ́ ni iŋuɛ́l umaáwááká kiansi kíɛ́yɛ́ á nitányí.

«Puandá epú nuambanɛ́ɛ ɛ́ɛ́ pɔsɔ́k pɛɛnduɛ núɛ́lɛn, panɔ́ kákáánɔ́ ɛ́nuɛlɛ́n pɔsɔ́k pɛɛnduɛ pɔ: índɛ́ anakáánɛ́ kikotí ne peémímekélíe má Támbák ɔ́ɔ́yɔɔnɛ́ɛ.

Naánɛ́ kɔk ɛ́ɛ́ nipíkínín ní iŋilí nínyɛɛ́ nipɔ́ndíkɔ́nɔ́n ááyuukan nɛ pɛɛnd ɔ́ kusɔ́t, epé pɛ́ɛ́nɛnɛ́ yíi tipá kutek.

«Énupíkín é nipíkínín niipɔ́ndíkɔ́nɔ́n. Á kiákí ɛ́ɛ́ nipíkínín niilalímát ni iŋilí inyɛɛ́ na maás ááyuukan é punyím, kɔ́ɔkɔ́ pɛɛnd kutek yuukanɛ́ɛ

Índɛ kɔk panɔ́ nunyɛɛ́ itɛ́m kilɔk, nuémenyen kueki piták pí maandá á paán páánɔ́, tiɛkíɛ́ Síí waanɔ́ unyɛɛ́ mɛnɛ́mɛnɛ́ɛ nyɛɛ́ pɛkuɛlɛ utiekí piták pí maandá é péépé pɔ́ɔ́ŋɔnɛ́ wɔ?

«Nutisóósósi pɔsɔ́k ɛ́ɛ́ pótinúsóósítí kákáánɔ́; á kiákí ɛ́ɛ́ nunamá nuónyísóósosié pɔsɔ́k núúnú pónyínúsóósosié kákáánɔ́, pufɛkín epú ɛfɛkinɛnɛ́ pɔsɔ́k na pɔ púúpú pɛ́nyíkufɛkinɛnɛ́ na púú kákááwɔ.

Mɔɔnd kitikit úmɔ́nyɔɔ́p tukál etue woond utiwóónyósí tɔ́ɔ unyɛ ɛlɛɛ́ mɔɔnd ukati tutátúɛ umaáwááká kiansi kíɛ́yɛ́ ɛ́ kisɛkɛ.

Tiɛkíɛ́ ɛnyɛɛ́ kuyooson kimfí é niínsi ní waakúánɔ́? Kɔ́ɔkɔ ɛ́ɛ́ anyɛ ne kitímbék á níáwɔ niínsi, atipá ɛɛ́nɛn á? Kúnyaánɛ tiɛkiɛ́ ɛnyɛɛ́ ukuɔyitɛn waakúánɔ́ ɛ́ɛ́: Óló íŋuéŋi kimfí kikáánɛ́ é niínsi? Ɔ́ kɔɔ́mɔ ɛnyɛɛ́ ne kitímbék á níáwɔ niínsi!

«Ánupá ni iŋuɛ́l é peémímekélíe pá pisupɔ́; póókólon kuanɔ́ piyeéwe ɛlɛɛ́ paán pɛ́ pitúúmbɛ́ɛ, kɔ́ɔ́kɛɛ́ ɛ́ nɛkɛtɛ́ɛ wɔɔpɔ́ pányɛ imbuá sí ɛɛm. púnyɛ kɔ́ɔ́p é meelínyélínyé nuényímenyen pɔ́. Púnyɛ akɛɛ́ pɛ́ɛ́kɛ́sɛ puliɛ́mlíɛ́mɛ́ á nusána iŋún á, púnyáanɛɛ́ ɔŋɔ́tɔ kí ilum á?

Akáánɛ kɔk, kinɔ́k kí putɛ́ óókoómo pinɔ́k pí masamɔ́, maná putɛ́ púnúmanɛ́ óókoómo pilɔk pí masamɔ́.

Kinɔ́k kí putɛ́ tipá kíómo pilɔk pí masamɔ́, púnyáanɛ putɛ́ púnúmanɛ́ tipá pókuómo pinɔ́k pí masamɔ́.

Putɛ́ puum pútiányípá púómo pinɔ́k pí masamɔ́, páásúmba púú póond pépiki pɔ.