Vèsè popilè nan Bib la ki soti nan Matié 19

Pataje

Yésuse weetémbi pɔ́ eŋíis, wɔ́ kɔ́ɔ́p ɛ́ɛ́: «Ɛ́ pɛɛnd pútipá kupíɛl, maná, á Támbák puum ɛ́píɛ́lɛ.»

Anakáánɛ́ pátíákandá apá pɛɛnd páandɛ́ maná pákanyi mɔɔnd omoómí. Mɔɔnd kɔk tipá wɛsikɛnɛn kuátɔn epú Támbák maálatá.»

Yésuse woondinyi pɔ́ ɛ́ɛ́: «Nutimaláaŋ ɛ́ɛ́ é nitúmín Eluŋí mɛɛlɛ́ na akáandɔ́ nɛ ɛnúmɛndɔ́» Támbák kanyi andíkɛ́k ɛ́ɛ́: «Puátákáánɛ́ puandá ɛnúmɛndɔ́ ányáatukanɛ́ ku sí no yóótí waapílatá akányí wɛɛyɛ́, ɛ́ɛ́ peem páandɛ́ papá ɛlɛɛ́ mɔɔnd omoómí.

Yésus kanyi ɛ́ɛ́: «Ánuyapá pɔ́ póólon kuamɛ, nutikányíkányi nɔɔpɔ́, á kiákí ɛ́ɛ́ Pufuŋ pú mɛnɛ́mɛnɛ́ɛ nyɛ ó pusíó pú péépé pɛ́nyɛɛ́ niaŋ níɔ́p.»

Pakutúan puólíkóoli áányípáan pékusúkin, pékusúkin páan pákutúan.»

Maná ewú ne ewú waányíyapanɛ́ piansi píɛ́yɛ́, paandimán, sí, yóótíe, paán kúnyaánɛ pisíén píɛ́yɛ́ ó pusíó pú kisiɛ́n kíámɛ, áányítáŋap kutápɔk, woond utáŋap kusɔ́t kú teeníík ne nííké.

Yésuse kɛ́ɛ́yɛ́ ɛ́ɛ́: «Índɛ aákamba kukíndimenyi, apá, túú maandá kitikit apianɛ́ɛ, aápan insé muenyi mukáánɛ́, akáánɛ́ aányípianɛ́ punɛ́m puutámb mɛnɛ́mɛnɛ́ɛ, é kélém kúɛ́yí, óóló ɔŋɔ́ káámɛ!»

Yésuse wondinyi wɔ́ ɛ́ɛ́: «Kiákí iŋówonée é púúpú púnyɛɛ́ puutámb? Táŋ omoómí nyɛ waatámb, Támbákɛ́ɛ. Índɛ aákamba kupíkin ɔ́ kusɔ́t kú teeníík nɛkɛ́n pikotí.»

Imáand onúónditonyi ɛ́ɛ́, púányípá laákulaákɔ á kinúm kí inyam pápílánɛ́ ɛ́ɛ́ samó ɛ́ɛ́ utápukɛn é kiési kí indɔndɔ kukányɛn inɛ́m i mɔɔndɛ ípíkin é Pufuŋ pú Támbák.»

Maná iŋúɛ yɔɔ́núɔ́yɔn ɛ́ɛ́: Índɛ mɔɔnd siémi akányi kɔ́ɔk utimɛ́ɛ́ndɛ́t isɔm woondo upítikɛn olotí, unyi eŋendí isɔm.»

Yésus kanyi ó popíónyí pɛ́ɛ́yɛ́ ɛ́ɛ́: «Kémuémue, yɔɔ́núɔ́yɔn ɛ́ɛ́, púányípá imfɛ́l ni inɛ́m i mɔɔndɛ ípíkin é Pufuŋ pú mɛnɛ́mɛnɛ́ɛ.