Vèsè popilè nan Bib la ki soti nan Matayo 19

Pataje

Yesu ekavawesiisha ekavaba, “Ya mburi teimuruika he vahe, mira he Kiumbi mburi khabuna jimuruika.”

Kwato, vo si vanu kahali mira ni msa muwe. Kwato chikhwarijwe ni Kiumbi, muhe asirechikakaanya.”

Yesu ekavaba, “Ho temusomie he Magondo ya Kiumbi ite kuli azeto Kiumbi evaboie muagiru na mlage, naho ekaba, ‘Kwaka mburi muagiru enem'ro igii kuu ne alhii kuu enekhwa hawe na mlage kuu, naho ka vanu venekhwa msa muwe?’

Yesu ekaba, “Varoni vainyi vagitutu valita hagho neri musivatiti, kwaite Udilao wa Kiumbi niwa vahe vekhwae saya vainyi.”

Mira vahe vakumure vekuakho ite veye waijiji, venekhwa vahe vesiye hemadamo yelitie. Naho vesiye waijiji, veneye hemadamo yelitie.

Naho kira eroe muang'a kuu hile vabakhu kuu vakiagiru hile vakilage hile igii hile alhii hile vainyi hile mbuva kwa mburi gho enedoria kagi igana kutakho naho enepala uzime wa maaze makhabuna.

Yesu ekamba, “Kai udumu usibeni kigi, so uredidi vikhabuna ulonavyo, uvao vahuye, naari unekhwa na uzuri he Kiumbi niho uniliahe.”

Yesu ekamba, “Kwaakhoni unise mkulho? Mkulho ni Kiumbi bi. Mira ukudumu kubuu heuzime, dara miku ja Kiumbi.”

Kahali nimubaiya, chimangamuruika ngamia kutakho he idaho la singano kuro mzuri kubuu he Udilao wa Kiumbi.”

Kwato nimubaiya, kira enemro mlage kuu mira esi kwa mburi ya udana, ekadori mlage mhali, enekhwa aaboi ukusa.”

Niho Yesu ekavawesia vahina kuu ekavaba, “Kweri nimubaiya chinekhwa kiure hemzuri kubuu he Udilao wa Kiumbi.