Vèsè popilè nan Bib la ki soti nan Matiós 7

Pataje

«Ɔŋínɔ́nɔ́n bánábádanúhuá, ambánánɔ nuanábáduguán, ɔ́ndídínɔ́nɔ́n bénébédenúbunin.

Ɛɛ́ɛ, búnyɛ nɔ́, usɔ́guɔŋɛn báhuán yɔ́, uságuambɛd waáguánan, usɔ́guɔ́ndídɛn bébunen yɔ́.

Agányɛ gɔg, mɔndɔ gidigid usɔ́guɔ́b dugálɔ uduɔ́ mmɔ́nduguɔya wond wala hana dúɔyɔnɔ́, dinyɛ diegedie yɔ́ na mɔndɔ wa meéne, umaáhág giansɛ giég ugumɔn guá nidányɛ.

«Agányɛ gɔg, buand gidigid ubuɔ́ núambanɔ́ áneé bánúala, alánánɔ buɔ́ banuá mbánan gá bɔsɔ́gá, búbúnya ubúɔ́ŋɔ́n uguá yubu hiá bigodi naá hiá bebunebúné.»

Ŋŋil ya nusɔ́da na nibíŋínín niá nusɔ́da múnyɛ sɔ́ndɔ́ndɔ́ súsɔ́n, nsánsáŋúlía sísíánanaá siɛ́.»

«Bíŋínínénu agá niíd inínya sɔ́ndɔ́ndɔ́. Gá giagiá, niíd niá saámbagadagada, guond ŋŋil ya mafadiá íyiídanaá agá nigué, giod giá bandɔ igígɔ́lɔnaá yɛ́.

Banuá nunyaá gɔg bilɔg biá bandɔ númámúnyan guhuán baán bánɔ binɔ́g biá muand, naánanyá gɔg Síe wánɔ unyaá beseé nsesi ugumɔn, údiábá wa núhuán binɔ́g biá muand ibiɛ́ núɔŋɔnaá yɔ́?»

«Nudibán begéli gá bɔsɔ́gá, gá gueleé bédinúgélenye súsɔ́n. Gá giagiá, hana núgélenyeé nɔ́ bénénúgélenyeé guond nugedínyi unuɔ́ égedenyinyeé na nuɔ́, nuɔ́ núánábánɔ́ nugedínyi unuɔ́ bénégedenyinyeé aŋuá guɔ́.

Súsɔ́n, mɔndɔ gidigid uwɔɔ́bɔnaá dugálɔ uduɔ́ mmɔ́nduguɔya wond udiala hana dúɔyɔnɔ́, dinyɛ diegedie yɔ́ na mɔndɔ wa kanda meéne umaáhág giansɛ giég ugumɔn guá ombuúm.

Gá giagɛ ábíyiganaá ŋŋoŋíe inyaá uguá niís niá sɔ́gá? Adián gilɔ́mbia igínya gá niáhɔ? Ugúnya ana naánanyá ányá wa guɔyidɛn ndiméen wahɔ áneé: “Ɔ́b ŋŋuólie ŋŋoŋíe inyaá uguáhɔ guá niís, henyé aŋuá ogódi gilɔ́mbia gá niáhɔ.”»

«Ánaá núbídédínye na babánbán bá bebunebúné obónúólonineé na bisɔn biá bidúmbúa, henyé gadá gɔ́b gúnyɛ mbíne. Búnyɛ uguɔ́b guá bibɔg núánálinsaninaá bɔ́. Kásɛ bágása bíbua uguá bukumb a? Ugúnya ana bóguólonye gibíl uguá bumpondé a?

Agányɛ gɔg, ginɔ́g giá budɛ́ gíéhúme binɔ́g biá bibɔg súsɔ́n, budɛ́ ubúnúmanɔ́ búéhúme bilɔg biá bibɔg.

Ginɔ́g giá budɛ́ gídibá gíéhúme bilɔg biá bibɔg, ta gilɔg giá budɛ́ gídibá gíéhúme binɔ́g biá bibɔg.

Budɛ́ gidigid ubúdiéhúme binɔ́g biá bibɔg, básúmba buɔ́ bónd bɔ́nɔh buɔ́ agá yoógi.