Vèsè popilè nan Bib la ki soti nan Matayo 7

Pataje

“Nyì dhíy ka rà bbu nyì dhò, nyì mey nyì rà chùw ndèymí nyì íy ka rà pù nyì dhò.

Wánì ndrǔ cha ì nì dhíy nì, ka rà bbu ndrǔ dhò, cha ì nì měy nì ndrǔ rà chùw ndèymí ì nì iy nì ndrǔ dhò, ka rà pù.

“Ddì-ddì ní li cha ndèy rà màtsá lò rr̀ nì, ndèymí ndèy rà mí lò ley dhǐy ò nì, nì gbè nyǔꞌwiy-dja ní cha ndèy ss̀ ndèymí dza klǒw ní dza-tey djú nì.

“Njey njàddí ndrǔ dhò cha nyì nì jǐ ndrǔ njěy nyì dhò nì ddiy, ddiydhò í nì Musa-ngá yǎdha ndèymí nabi-kpà dhí gwíydha mí lò-tey.

Chú ndèy mba nì bbalè djiy ò nì kaley-tsònì tdrŕ-ka-tdrŕ ndèymí ndèy ra nì à dè nì tuw nì klǒw, ndèymí drá ní bbalè chuw nì à ndey.

“Nyì tsuw tdrŕ-ka-tdrŕ ní kaley-tsò nà, ddiydhò hwǐ ní kaley-tsò ndèymí hwǐ ní tuw nà nì mba nì bbalè ndru-tey ró nì li sàdha mí kàss ò ndèymí bíy ní bbalè bbíy nì òmà luw.

Nyì nì ngǎjìní ddiy ì nì njěy nì bbalè, chú nyì ddí tsì lǎní ddiy bbúdha nyìdhí nzòw dho. Nyì Dja rakpa ó nì rá ŋàbùkà ddrǒngó tǐ nì lǎní ddiy bbu cha ì nì dhiy nì ndrǔ dhò?

“Nzǐ nyì tdey lò njàddí ndrǔ djú, ndaní nzǐ Ddrà tděy lò nyì djú. Ddrà rà lò-tdèy nyì djú gbè nyì tdèy njàddí ndrǔ djú níchú, ndèymí nyi ddêy ndanà ddiy njàddí ndrǔ dhò mí nò, karà ddey ndanà nyi dhò ddí.

Chú ddì-ddì ní li cha ndèy nì màtsá lò rř ndèymí ndèy nì mí lò njěy nzǐ nì, fú li nì gbè vǐy níchú cha ndèy ss̀ dzà sǒwrr djú nì li níchú.

“Ddudhò nyi ní djû-nyi nyú ó tsúw-rà njǎ, yà nyi nì ddey nyi-nyú ó ddrǒngó ní tsúw-kòwrŕ djú nzǐ? Nyi dhó tdrà ŋǎchú djû-nyi dhò, ‘Bba ma ddá nyi nyú ó tsúw-rà,’ yà nyi nì ddrǒngó ní tsúw-kòwrŕ nà nyi nyú ó ro?

“Nyì pbo nga nyì mbwa mí nabi-kpà róddù. Ndrǔ shi nì nyì dè ndèymí ndrǔ nja nì ì rúgòluw towmbù níchú, chú ndrǔ ónga nì gbè ɦùw nì ndèy njěy nì tsó téy tsǐ níchú. Nyì rà ndrǔ tsì ì tsi ró. Bbalè dhó ney dìváyì-tsi kli tsǎléy tsúw djúddù, ǐngí bbalè dhó ney mupela kli lòkú tsúw djúddù?

Lǎní tsúw ꞌwo nì lǎní ndèy tsi, chú ngǎjìní tsúw ꞌwo nì ngǎjìní ndèy tsi.

Lǎní tsúw dho nzǐ ngǎjìní ndèy tsi ꞌwò, chú ngǎjìní tsúw dho nzǐ lǎní ndèy tsi ꞌwò.

Wánì tsúw cha nzá ndèy ꞌwò lǎní ndèy tsi nì, ka rà tdèy bbi gudjò ndèymí ka rà ngbò kàss ò.