Vèsè popilè nan Bib la ki soti nan Pwovèb Yo 2

Pataje

Paske, SENYÈ a bay sajès. Nan bouch Li, soti konesans ak bon konprann.

Fis mwen an, si ou resevwa pawòl mwen yo, e gade kòmandman mwen yo nan kè ou, e fè zòrèy ou atantif a sajès; e enkline zòrèy ou vè bon konprann, wi, si ou leve vwa w pou sajès; e leve vwa ou vè bon konprann; si ou chache li kon ajan, e fè rechèch dèyè li kon trezò ki kache; nan lè sa a, ou va dekouvri lakrent SENYÈ a, e dekouvri konesans Bondye a.

Li mete sajès nan depo pou moun dwat la. Li se boukliye pou sila ki mache ak entegrite yo, Ka p veye chemen lajistis yo, e pwoteje chemen a fidèl Li yo.

Paske moun dwat yo va viv nan peyi a, e sila ki san tò yo va rete ladann; men mechan yo va koupe retire nèt de peyi a, e moun trèt yo va dechouke de li.

Pou delivre ou soti nan men fanm etranje a, soti nan men fanm adiltè ki flate ak pawòl li; ki kite konpanyen jenès li a, e ki bliye akò a Bondye li