Vèsè popilè nan Bib la ki soti nan Pwovèb Yo 3

Pataje

Mete konfyans nan SENYÈ a ak tout kè ou; pa apiye sou pwòp bon konprann pa w. Nan tout chemen ou yo rekonèt Li; konsa Li va fè pa ou yo vin dwat.

Pa vin saj nan pwòp zye pa ou; krent SENYÈ a e vire kite mal.

Onore SENYÈ a ak sa ki soti nan bonte ou yo; ak premye pati nan tout prodwi ou, pou depo ou yo kab vin plen ak abondans, e pou sitèn ou yo plen ak diven tounèf.

Pa kite dousè ak verite kite ou. Mare yo antoure kou ou. Ekri yo sou tablo kè ou.

Fis mwen an, pa rejte disiplin SENYÈ a, ni rayi repwòch Li, Paske sila ke SENYÈ a renmen an, Li korije li, jis tankou yon papa konn korije fis nan sila li pran plezi a.

Fis mwen an, pa bliye enstriksyon mwen an, men kite kè ou kenbe kòmandman Mwen yo; paske konsa, longè jou, ane lavi ak lapè yo va vin ogmante sou ou.

A la beni nonm ki twouve sajès, e nonm ki vin genyen bon konprann nan beni! Paske avantaj li pi bon ke avantaj ajan, e pwofi li pi bon ke lò fen. Li pi presye pase bijou; e okenn lòt bagay ke ou ta dezire pa kab konpare avèk li.

Pa refize fè byen a sila ki merite l yo, si se nan kapasite ou pou fè l.

SENYÈ a ak sajès te fonde latè a; ak bon konprann Li te etabli syèl yo.