Vèsè popilè nan Bib la ki soti nan इफिसियनमन 5

Pataje

तोहरे परमेश्‍वर केर दुलार छउवामन हेका, से लगिन तोहर स्वभाव परमेश्‍वर केर जइसन होवोक। मसीह केर पिछा करते दोसरमन लगिन प्रेम से भरल जिंदगी जिया, जे तोहर से प्रेम करलक आउर तोहर पापमन के उठाएक लगिन खुद के बलिदान काइर देलक। उकर से परमेश्‍वर खुश रहे, काले कि उ बलिदान उकर लगिन महकेक वाला सेंट नियर रहे।

इ लगिन सावधानी से देखते रहा कि कइसन जिंदगी जियाथा, निरबुद्धियामन नियर निहीं मगर बुध्दिमानमन नियर चला। हरेक मोका केर इस्तेमाल जे तोहर ठिना अहे, भला काम करेक में करा, काले कि इ मोका बुरा दिनमन में तोहरे के मिल हे।

आउर दारू पी के मतवारी ना करा, इकर से आदमीमन निरलज ब्यवहार करैना, मगर पवितर आत्मा से भरते जावा। आउर आपस में आराधना आउर महिमागान आउर आत्मिक गीत गाते रहा, आउर अपन-अपन मन में प्रभु केर सामने गाते आउर बजाते रहा। आउर जे कोनों हमर प्रभु यीशु मसीह हमर लगिन काइर हे उकर चलते सोउब बेरा परमेश्‍वर आबा के सोउब गोइठ में धन्यबाद देते रहा।

इ जानेक केर कोशिश करा कि प्रभु तोहर से का करुवाएक चाहेला आउर बुद्धिमान बना।

हे पतिमन, अपन-अपन जनाना से प्रेम करा, जइसन कि मसीह हों कलीसिया से प्रेम काइर के उके शुद्ध करेक ले खुद के उकर लगिन देई देलक।

तोहरेमन तो पहिले शैतान केर कब्जा में रहा, मगर अब परमेश्‍वर केर होई गेला, से लगिन अब परमेश्‍वर केर संतानमन नियर चला।

आउर मसीह केर भक्ति करेक केर चलते एक दोसर केर अधीन में रहा।

हे जनानामन, अपन-अपन पति केर अधीन में एइसन रहा, जइसन तोहरे प्रभु केर अधीन में रहाला।

मगर इ तोहर उपरे हों लागू होवेला, तोहर में से हरेक झन अपन जनाना से अपन नियर प्रेम रखोक, आउर जनाना हों अपन पति केर आदर करोक।

जइसन पवितर किताब में लिखल अहे, “मरदाना अपन आयो आबा के छोइड़ के अपन जनाना से मिलल रही, आउर उमन दुयो एगो आदमी नियर रहबैं।”

आउर शैतान केर बेकार काममन में शामिल ना होवा, बल्कि आदमीमन के बतावा कि इ काममन बुरा हेके।