Vèsè popilè nan Bib la ki soti nan Wóɖómà 5

Pataje

Kɛɛ Kɛ́ɖɛ́ì mɛ́ ma ɓó à bìì ti ɓɛ́ à mɔ̀ ma nàmàǔn-nyɔ̀ keɛ. Ké kǎà Gèɖèpɔ́ɔ̀ nyu ma ɔ ɖɛ̀ɓɛ̀ǐn-ɖɛ̀ɓɛ̀ǐn ɓɛ́ ɔ ɓéɖéà à bììɛɛ à dyí tɛ̀mɛ̀ìn.

Ké ɖɛ ɓɛ́ à dèà hwòɖǒ kɔ̃ɛɛ, ɔ ní nyùìn à dɛ̃, sepóɛɖé Gèɖèpɔ́ɔ̀ ɖɛ̀ɓɛ̀ǐn-ɖɛ̀ɓɛ̀ǐnɔ̀ dyíìn ɖé à hwòɖǒ-dyùàɔ̀ múin dyììn ɖé Zùù Hwɛ̀ǐn-hwɛ̀ǐn ɓɛ́ Gèɖèpɔ́ɔ̀ ɖǎ à nyíɛɛ mú.

Ɔ seɛ ɖòùn, kɛɛ à kpá múàǔn ɖé à gǎ-dyé-dyé ɓěɔ̀ mú ɖekè, sepóɛɖé à dyuòɛ̀ kà gǎ-dyé-dyé nyuɛ ké à ɓéɖé hwòɖǒ-ku-ku kɛ. Ké hwòɖǒ-ku-ku nyuɛ ké à zi mú-dɔ̃̌-dɔ̃̌ mú, ké mú-dɔ̃̌-dɔ̃̌ mú-zi-zi dyà ɖɛ-hwòɖǒ-kɔ̃-dè-dè.

Ɔ jèɛɛ, kà à hwìɖǐǐ-taɓa-taɓaɔ̀ ɖǎà nyu ké à ɖǎà dyí sɛ́ɖɛ́ìn nyɛɛ, à hwòɖǒ-dyùà ɓěɔ̀ mɛ dè dyi ɖé gìɖìǐ ɓɛ́ ɔ nìà ɓó à kè Gèɖèpɔ́ɔ̀ pṹa kɛɛ mú. Gìɖìǐɔ̀ dyììn ɖé à Bounɓo Jízɛ̀ Kɛ́ɖɛ́ì mú. Dyììn ɖé Jízɛ̀ múɛɛ, à ɖǎ kpé ɓéɖé ɓɛ́ à ké pá ɓɛ́ Gèɖèpɔ́ɔ̀ naɓaà à bìì nɔ̀mɔ̀ dyíin nyɛɛ mú nì. Ɔ mɔ̀ dɛ̀ ɓɛ́ à nyànàà dyi kàǔn wɛ̃. À kpá múàǔn, sepóɛɖé à dè Gèɖèpɔ́ɔ̀ dĩ́ín-dĩ̀ìnɔ̀ ɖò dyé jè hwòɖǒ kɔ̃.

Ti ɓɛ́ à se ma kpé ɖò ɓéɖéɛɛ, ɓó ti déínɔ̀ ɓaɖaa, Kɛ́ɖɛ́ì mɛ́ ma ɓó nyɔ ɓě ɓɛ́ wa mɔ̀ Gèɖèpɔ́ɔ̀ ɖɛ-gbà-bũ̌-nyu-nyɔ̀ ɓěɛɛ bìì.

Ké kà ɓɛ́ Kɛ́ɖɛ́ì nyɔmɔɔ̀ ɖǎà à dyí sɛ́ɖɛ́ìn nyɛɛ, nìí, ɔ mu à Gèɖèpɔ́ɔ̀ dyoɖoɔ̀ xwaún póìn jɛ́ɛ́ cá.

Sepóɛɖé gàa dyúáɖòɛ̀ se wuɖu nyu jè nyuɛ ké nyɔ ɓáún-ɓáún jǔ ma nàmàǔn-nyɔ̀, ké kǎà gàa dyúáɖòɛ̀ wuɖu nyu jè muɛ nyuùn ɓɛ́ nyɔ ɓáún-ɓáún ké dyí-sɛ́ɖɛ́ìn-nyɔ̀ jǔ ɓó Gèɖèpɔ́ɔ̀ gbo.

Ɔ seɛ séín. À kpá múàǔn ɖé Gèɖèpɔ́ɔ̀ mú ɖekè, dyììn ɖé à Bounɓo Jízɛ̀ mú. Ɔ mɔ̀ nyɔ kɔ̃̀ mú ɓɛ́ à ɖǎà bĩ̀ǎ-zà-zà dyéìn kàǔn wɛ̃.