Vèsè popilè nan Bib la ki soti nan Matt. 7

Pataje

“Khulo eno ti nongu tsü nani; phulo eno nongu no phulu nani; kukhulo eno O ghenguno ahukikha khaqhi tsü nani.”

Kughengu khu kemi kümtsü tsü cheni; phu kemi no ithulu cheni; eno ahukikha kukhu kemi lau khaqhisü tsü nani.

“Tighenguno I tsa hipaqo chilu no tipaqo pape kemi kümtsü alokütsümi lakhi no atuqu shou pa ki shipuku keu toi ke.

Ikehu thowkha kümtsü lo, O lau shipe nishi ketoi kütami lau shilo, tishianguno Moses yeza eno Tungkupumiqo kükütsü shikupuve anike.

Ikemu khagho aghulo eno kibikhoi keu laghi ye aküxü lo sawu cheni, eno timi aghulo likhi no tipau là phulu cheni.

“Kibikhoi keu khagho veche ilolo. Kughengu ililai keu khagho eno ililai keu laghi ye kütsakungo keu lo sawu cheni, eno timi kutomo no tipau là lo püla ilo acheni.

Tishiaye nongu küsaküghami thotsü thime kivi pesü nongu tianuli tsüke ye ithi aghí aye, nongu Papù kungugha lo akeu ye kíshi tinguno alau aghokivi pesü pa vilo khukemiqo tsü nani kea?

“Kütami shou küghathabe kevilo, tishianguno O shou küghathabemo nani. Kughengu nono kütami shou küghathabe keu qhemi O shou küghathabe nani. Nono kütami shou kiu qhemi mighibeni keno titoi Alhou no tipau qhemi O shou mighibe nani ke.

Ikemu khuu no I tsa hipaqo chilu no papemoni keno pa ye mübomzümi lakhi no asàye shou pa ki shiqhepuku keu toi ke.

“No ye kushiye O likhi O nhethi lo asülu akeu jukutomo püzü O thiküzüu nhethi lo amihi akeu jukuto ani kea? No ye kíshi no O likhi O nhethi lo asülu akeu jukutomo püzü O thiküzüu vilo, ‘O nhethi lo amihi akeu I no ikhipheve tsüní,’ ipi luni kea?

“Kichileu tungkupumiqo lau no kutokupui lo. Panongu ye ashou ye ambe toi nongu lau ighi cheni, ikemu panongu lolo ye ayiküsa tüngtüghaqo ke. Panongu kümlà vechewo nongu no panongu kimchilu nani. Timi ye asahubo lono atsaithi xolu cheni keshea, momu koghesahubo lono mubuthi xolu cheni keshea?

Titoi, asübo kivi kümtsü axathi kivi pithí cheni, ikemu asübo lhoküsa lono axathi lhoküsa pithí cheni ke.

Asübo kivi lo ye axathi lhoküsa pithí chemoe, momu asübo lhoküsa lo ye axathi kivi pithí chemoe.

Axathi kivi pithímo keu sübo kümtsü yeqhive no ami lo vesüve cheni.