Vèsè popilè nan Bib la ki soti nan Motíosi 7

Pataje

«Ɔŋɔ́nɔ́ɔ nɔnɔ, manɛ́ bá ŋgaá nyó fáá; fúmbée nɔnɔ, manɛ́ no ŋgaá huenyée; gɔdɛ́dɛ́nɔ nɔnɔ bá lɛ go nyó buunene gɛasɛ́.

Mammana, mɔtɔ uŋkimée mɔ́ɔnyɔ ɔ ɔŋɔnɔmɔ́, bá mo fáanana, mɔ́ɔnyɔ a fúmbemú a huenenye, mɔ́ɔnyɔ a gɔdɔnɔmɔ́ bá mo buunene gɛasɛ́.

«Gɔ́ɔ mɔtɔ uŋkimée mɔ́ɔnyɔ a bódólonyomú dogálɔ duimée dɔ́ɔdɔ ká lɔ́mɔ́ na go gálagala a báá dó bɛ́dɛ́gɛ́ná, a ŋga bɛ́ɛ́mbá aŋa mɔtɔ ba nciŋí mɔ́ɔnyɔ a mbaá fóágá nnyaŋá yɛhɛ́ naá gɛdánɛ́dánɛ́ mmoɛná.

«Buimée bɔ́ɔbɔ no lɛ́galɛgamɔ́ goŋaá batɔ bá nyó ŋɛɛna, bó ŋɛɛnáamɔ́ tɔ́nɔ obɔ moánɛ: hɔ́ɔlɔ́ há Gicele gá Mɔ́sɛsɛ na kálata sá mbúsí sá Asaŋa mó oyamɔ́.

Kanɛ́, gɛasɛ́ gá cɔkɛnɛ, gɛ́ lɔ́mɔ́ pɛ́ yɛ́ɛyɛ yɛ indenyemú naá gɛɔyɔ, gɔ́ɔ batɔ sɔŋɛ bá yɛ fídenemú, goakɛ́ ɛ lɛ́ ndɔlɛ.

«Íŋénénée nɔnɔ naá gɛasɛ́ gá gágálɛ́dáalú; goakɛ́ gɛasɛ́ gá gɛsaágada gɔnɔ́ pɛ́ yɛ́ɛyɛ yɛ ɛ́danamɔ́ naá goyíme ɛ lɛ́ fɛaŋɔ; batɔ gɛca bá dómbanamɔ́ hɔ́ɔ.

Kanɛ́ bɛɛnyɔ́ɔ báaba no lɔ́mɔ́ bɛgáda bá batɔ, no íyimene go fáanana baaná bɛ́nyɔ́ bɛnɔ́gɔ́ bá moóma, ɛŋɛndɔ inikí Isée bɛnyɔ́ mɔ́ɔnyɔ naá mmoɛná a lɔ́mɔ́ ba go fáanana bɛnɔ́gɔ́ bá moóma go báaba bá mo ɔŋɔnɔmɔ́ o?

«No do bɛ́ɛ́mbá báaba bá sómbanɛnamɔ́ basɔ́gɔ́ɔ bɛsɛnɛ, go goŋaá Asaŋa a dɛ nyó sómbɛ́ná bɛɛnyɔ́ɔ. Mammana, Asaŋa a ŋga nyó sómbɛ́ná bɛsɛnɛ bɛ́nyɔ́ naá mbɔ́dɔ yɛ́ɛyɛ bɛɛnyɔ́ɔ no sómbanamɔ́ basɔ́gɔ́ɔ. Bá ŋga gɔ́lɔ́ go busío bɛ́nyɔ́ mɛ́da máama no lɔ́mɔ́ na má go bɔsɔ́gɔ́ɔ.

Gɔ́ɔ mɔtɔ uŋkimée mɔ́ɔnyɔ a bódólonyomú dogálɔ duimée dɔ́ɔdɔ ká lɔ́mɔ́ na go gálagala a dɛ ŋaáa aŋa dó oyamɔ́, a ŋga bɛ́ɛ́mbá caŋa mmue aŋa mɔtɔ ba kanɛ nciŋí mɔ́ɔnyɔ a mbaá fóágá nnyaŋá yɛhɛ́ naá ɛcánána mmoɛná.

Go busío báakɛ́ o núunemú gifumbú gɛ́ɛgɛ naá niíso ná tɛ́ɔbɛnɔ, kanɛ go ɛ́na boɛ́tɛ bɔ́ɔbɔ bó lɔ́mɔ́ naá náhɔ niíso o? Ɛ́na lí, nɛɛ́nɛ o lɔ́mɔ́ ba go oyana tɛ́ɔbɛnɔ go amɔ́: Tɛ́ɛ́náamɔ́ ko úlie gifumbú gɛ́ɛgɛ naá niíso náhɔ, gɔ́ɔ maamɔ́ɔ na boɛ́tɛ naá náhɔ o?

«Bébeŋéemú nɔnɔ go mbúsí sá mbele. Sɛ́ nyó úlenine na mɔlɛŋɔ má bɛdómbáa, kanɛ́ naá gadɛ́ɛ gúunú, sɛ́ lɔ́mɔ́ ŋkɔ. No ŋga sɛ́ lɛncánáa go bɛsamɔ́ bá sɛ́. Bá dɛ gásáa bíkodóo naá gɛ́loŋká, ɛ́na mulíómólíómóo naá molɛ́ŋa.

Caŋa táŋɛ́ mmue gɛnɔ́gɔ́ gá boɛ́tɛ gɛ́ úmemú bɛnɔ́gɔ́ bá bɛsamɔ́; gɛbɛ́ gá boɛ́tɛ gɛ́ úme tɔ́nɔ bɛbɛ́ bá bɛsamɔ́.

Gɛnɔ́gɔ́ gá boɛ́tɛ gɛ́ dɛ úmée bɛbɛ́ bá bɛsamɔ́, nɔ́ɔnɔ tɔ́nɔ gɛbɛ́ gá boɛ́tɛ gɛ́ dɛ úmée bɛnɔ́gɔ́ bá bɛsamɔ́.

Boɛ́tɛ buimée bɔ́ɔbɔ bó lɔ́mɔ́ bó do úmée bɛnɔ́gɔ́ bá bɛsamɔ́, bá bó sómba bá nɔɔnɔnɔ naá íyuke