Vèsè popilè nan Bib la ki soti nan Matio' 19

Pataje

Jorwor: :Yusu' pobo-uh-: ya, or 'da, Nyor se deh :daa eh-a' no-a' 'beh-dih:. Jorwor: Nyorsoa :mloror', or 'beh-dih: deh⧾-a' klehkpeh-a' no-a' 'weh.

:Yee' on se 'sororn' :ne :dele' ka, jorwor: on no nyor :due'. 'Do eh-a' dha, deh Nyorsoa po-a :dha :due', nyor se :korn or 'ye-eh' 'i zela:.

'De or dhele-uh dih, or 'da, A :se-' Nyorsoa-a' 'chlee-deh zlo deh eh :za-a-', a :se-eh' 'worn :e? :Ka :eh 'wluh-a 'de eh-a' glu 'dhu 'da, Nyorsoa :or no-a deh⧾-a' klehkpeh-a' noo-nyor, or no 'nynor-: 'dekorn: nyor-kpalu-:. Nyorsoa-a' 'jeh :dao', or-: :wlu, or 'dae:, Eh-: :korn dhih, 'de 'nynor-: 'dekorn: nyor-kpalu-: an mu an-a'a: 'cheh dih 'tali:, 'de on 'ye :dha :due' 'ti. :Yee' mo-: :ne-a 'sororn', an mu nyor :due' :no.

'De :Yusu' 'dae:, A 'nyi 'nynuu: :nyene' yi 'noror 'on bo. A 'bor an-a' 'yi :kan-eh. Deh no-eh, :ka 'nynuu: :nyene' :ne-a, nyor⧾ :on :ne :ao', mo-: Nyorsoa-a mu wlu 'ken :korn.

Jorwor: nyor⧾ :dhulu' :a 'da-dih-a nyor⧾ :klaba'⧾ :naa, mo-: :an mu 'zeehn :no 'de ybei'. :Yee' :yuh :a 'da-dih-a nyor⧾ 'zeehn :naa, an-a' 'jeh :dao', mo-: :an mu nyor⧾ :klaba'⧾ :no 'de ybei'.

:Yee' nyor⧾-a' klehkpeh :on 'tali:-a an-a'a: 'gbu⧾-: 'de-di'-boi'-: 'de-: :baa'-: 'nynuu-: 'dekorn: an-a'a: gle⧾-: dih, 'do 'an 'nyne-a' dhih bo, :yee' an mu-ih, en-' :kehehn' :kehehn' 'ye-:, 'de an mu 'kmo :sie: :febeh' 'ye-:.

'De :Yusu' 'dae:, :Mor :an 'bhorn :on 'ye 'yi 'sleh-nyor: 'jeh nor no, :yee' mu. Deh⧾-a' klehkpeh :on :korn-a, :on 'ye-ih plo, 'de :on 'ye 'wlii: :an mu-a 'ye-:, :on 'ye-ih nyor⧾ :on se-a deh-a' :za-da 'ble 'nyi. :Mor :on no-eh, :yee' :an mu bhaan-deh⧾ 'ble-: 'de Nyorsoa 'bli yai'. :Mor :on no :ao', :yee' 'yle, :on 'ye 'o 'on klei' zi.

'De :Yusu' dhele-or dih, or 'dae:, :Eh :korn dhih :an dhele 'on dih, 'do deh 'jeh neh :no-eh-a' dhih bo :eh? Nyorsoa :due', or-: 'dhu nyor 'jeh-' 'klein'. :Yee' :mor eh 'dhu :on :taa 'kmo :sie: :febeh' 'bhorn, :yee' dhe 'o :Mose'-a' 'tele' dih.

'An zela a :gwluhuh' :neheh', eh :kma 'i, 'do bhaan-nyor bo, or 'ye 'de Nyorsoa-a' nyor⧾ wlu 'ken :korn-eh 'zorn pa, :eh :zi 'o :kpuan' ken :soo'o 'ye 'de 'mehno-a' 'bie' 'di :yi-dih:.

:Yee' 'an zela a :gwluhuh', nyor-beh-nyor-beh: :or mu-a or-a'a: 'nynor 'kwla :za, :mor eh 'dhu 'nynor se 'nyne :zaan' no 'do or bo, 'de or 'ye 'nynor :noror' :korn, :yee' or no 'nyne :zaan'.

:Yee' :Yusu' :wlu-' 'de or-a'a: bo :na-nyor⧾ bo, or 'dae:, Dhih 'jeh, 'an zela a :gwluhuh', eh mu 'i :kma 'do bhaan-nyor bo, 'de or 'ye 'de Nyorsoa-a' nyor⧾ wlu 'ken :korn-eh 'zorn pa.