DIHA 17
17
Na tokungu-na i Harungu
1I MIRI napanii-nya i Muha, 2“Paràha-nya na banjaru Ihirailu ka da wuanggau hakambulu dua mbungu tokungu, nimbihu kabihu hapungu tokungu, na-wuangu-ya paraï liku uru kabihu. Tulihu-ya na tamu nimbihu liku uru la tokungu-na, 3tàka na tamuna i Harungu la tokungu kabihu Lewi. Lupangu ninguma hapungu tokungu nduma nimbihu liku uru kabihu. 4Ngàndiha nuda da tokungu la Maünggu ka bànjalu-ha la hangga Pàti Pa-ràndingu la ngia pakàli hàmburu-nggunggau nyumu. 5Napa na-kalunga na tokungu-na na tau na pambàda pindinggu. Tuna nu na pawàngu ba ku-papànja-nya napa, nahali-da ura dedi da tau da ma-nutakungu pa-hoputu ndubakukau nyumu,” wàna.
6Na-patàka-nja da tau Ihirailu rukuna nuna i Muha. Ka maràngga wuangu danyaka hapungu tokungu lai Muha da liku uruda, hapungu tokungu nduma nimbihu kabihu. Hakambulu dua mbunguda mbuu ndàbada, tàka na tokungu-na i Harungu nimanya la hongada. 7Tunaka nu bànjalu ndàba-nahaka i Muha nuda da tokungu daa la Maüna i MIRI la hangga Pàti Pa-ràndingu.
8La lodu haromu-na, ba natama-ka i Muha daa la Maüna i MIRI, ita-nanyaka ba mbàda kalunga-naka na tokungu-na i Harungu, nu na tokungu kabihu Lewi. Ninguka mahanggebarunya nuna na tokungu, na wàla dàngu na tuu wuana, wua manila wara mambàda ihi! 9Piti ndàba-nahaka i Muha nuda da tokungu hi na-paita-nja la tau Ihirailu. Daita-yaka nu na matumbu, piti beli-dahaka da tokungu-da da nimbihu liku uru. 10Tunaka nu panii-nanyaka i Muha i MIRI, “Bànjalu beliya na tokungu-na i Harungu la hangga Pàti Pa-ràndingu. Hi lupangu pahàmu-ya nuna na tokungu, màta ka panamu wànya na banjaru Ihirailu nu na makàli patula ngganggangu, ba dameti-ma napa jàka nda da-pànjangu pa-hoputu,” wàna. 11I Muha na pahàra-nya na hupu liina i MIRI.
12Hàla, napanii na banjaru Ihirailu lai Muha, “Jàka tuna nu, hanggàmaru-duma-nyaka! Tàlaru-manyaka napa! 13Jàka lupangu-ma nameti na tau na malihi-nya na Maüna i MIRI, nda nggàra-apa pamonu-ma duma nyuma!” wàda.
Trenutno odabrano:
DIHA 17: KAM
Istaknuto
Kopiraj
Usporedi
Podijeli
Želiš li svoje istaknute stihove spremiti na sve svoje uređaje? Prijavi se ili registriraj
@LAI 1995 Indonesian Bible Society (Lembaga Alkitab Indonesia)