Kwan 6
6
Cik ri Jonazir
1Rwoth oluwo gi Musa, ka waco ama: 2Luw gi Joisiraili aka iwaci rijo ni: Ka jacwo kosa dhako otim gimatek ma kwoŋirok, kwoŋirok pa Janazir, ma miyirok ri Rwoth. 3#Luk 1:15Jobino weyo madho vini kodi medho matek; jokibino madho vini makec kosa gimakec man, aka jokibino madho muwisi mar'olemo moro je kosa camo olemo, obedi m'ocek, manumu kosa m'othwo. 4Hongo pajo je paka Jonazir, jokibino camo gimoro m'otimi g'olemo, kada nyinge kosa pien mere.
5Tekin jotieko timo kwoŋirok ma bedo Jonazir, ongoye kamweso ma bino geyo wiy jo; cuka hongo otundi ma jomiyer'iye ri Rwoth, jobino bedo ji maleŋ; jobino weyo ye wi gin dongo mabor.
6Hongo je ma jobedo Jonazir, jokiripi core cegin gi del pa jatho. 7Kad'obedi ni bajo kosa min jo, omin jo kosa nyimin jo otho, jokiripi kocere; rupiri lokirok pajo maleŋ ri Were nitie i wi jo. 8Hongo pajo je paka Jonazir jobino bedo maleŋ ri Rwoth.
9Ka dhano otho abwap i ger, to koco wiye maleŋ, kenyo jobino lielo ye wi gin i ndelo pajo ma lokirok macil. 10I ndelo mar'aboro jobino kelo akurin ario kosa nyithindhi njiwin ario ri jacway ri Were i wi migam i dhiot ma Wema ma romo, 11aka jacway ri Were i wi migam bino miyo acel paka mic ma cwako reco aka man mere paka mic awaŋa, to timo kwer ma cwako reco rijo, rupiri jotimo reco r'atoŋa ma neno del pa jatho. Jobino loko wi jo maleŋ ndelo acel no won. 12Jobino bedo Jonazir ri Rwoth ma hongo pajo je, to jokelo wod rombo ma nyaka ay ma jaoro acel paka mic ma culo banja. Hongo macon ongoye kony, rupiri ye wiyin maleŋ okoc.
13 #
Tim 21:23-24
Me cik ri Jonazir, ka hongo pajo orumo ma leŋo pajo, ibino kelo jo i dhiot ma Wema ma romo. 14Jobino miyo mic ri Rwoth, wod rombo acel ma jaoro acel ma k'oŋol paka mic awaŋa, rombo madhako ma jaoro acel ma k'oŋol paka mic ma cwako reco, wod rombo acel ma k'oŋol paka mic ma siem. 15Adita acel ma mugat ma buthow, mugat ma moko manyakare m'oruw gi mo kodi mugat ma buthow m'oduw gi mo, gi mic ma kodhi kodi mic ma math. 16Jacway ri Were bino ketho jo ruwaŋ Rwoth to jomiyo mic pajo ma cwako reco kodi mic awaŋa, 17aka bino miyo wod rombo paka cowirok ma siem ri Rwoth, kodi adita ma mugat ma buthow. Jacway ri Were i wi migam bino yiko mic ma kodhi kodi mic ma math. 18Kenyo janazir bino lielo wiye maleŋ i dhiot ma Wema ma romo, aka bino kwanyo yer wok i wiye maleŋ to ketho i wi mac i pendi mic ma siem. 19Jacway ri Were i wi migam bino kwanyo wibac ma wod rombo m'otedi kodi mugat acel wok iy'adita, kodi mugat ma buthow acel, aka bino ketho jo i par cingi janazir, k'otieko lielo ye wiye maleŋ. 20Kenyo jacway ri Were i wi migam bino tiŋo jo malo paka mic atiŋa malo ruwaŋ Rwoth; jobedo adec maleŋ ri jacway ri Were i wi migam, kanyacel gi aŋakin m'itiŋo malo kodi bat m'imiyo. Rumacen janazir nyalo madho vini.
21Me obedo cik ri janazir ma kwoŋere. Mic pajo ri Rwoth ripo makere kodi kwoŋirok pa janazir, kwanyo woko giman ma go nyalo nwaŋo. Cungo kwoŋ kwoŋirok moro je m'otimo, go bino timo, cungo kwoŋ cik ma leŋo pere.
Silwany pa jacway ri Were i wi migam
22Rwoth oluwo gi Musa, ka waco ni: 23Waci ri Aron kodi wote, aka iwaci ni: Me apaka wiripo miyo Joisiraili silwany: Wibino waco rijo ni,
24Rwoth womiy win silwany aka wokur win;
25Rwoth womenyi win gi lero pere aka womiy win nema pere;
26Rwoth wotiŋ riwin waŋe aka wokel riwin siem.
27Ameno apaka jobino ketho nyingan kwoŋ Joisiraili, aka abino miyo jo silwany.
נבחרו כעת:
Kwan 6: DHOPE
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
Dhopadhola DC Bible © Bible Society of Uganda, 2018.