Intembauzyo 104
104
1O muuya wangu, kolumba Jehova.
O Jehova Leza wangu, uli mupati loko,
Ulisakatide bulemu abwami.
2Ulalivumbya mumuni mbuli ingubo,
Ulatandabika majulu mbuli cisitilizyo.
3 #
Am 9:6; Is 19:1 Ulasimpa ziyako zyamaanda aakwe mumaanzi aakujulu,
Ulacita kuti mayoba abe inkalaki yakwe,
Uleendeenda amababa aamuuwo.
4 #
Heb 1:7
Ulabika myuuwo kuba batumwa bakwe,
Amulilo wamabangabanga ube similimo wakwe.
5Ngonguwe wakabika nyika antalisyo zyayo,
Kuti itabi niizungaana.
6Wakaivumbya maanzi mbuli cikobela.
Maanzi akaliimvwi akuvumba zilundu,
7Pele kukutapata kwako akacija,
Kujwi lyakuzuma kwako akafwamba kuunguluka,
8 #
Job 38:10
Zilundu zyakasumpuka, makuti akayosa,
Kuya kubusena mbowakazibikila.
9 #
Job 26:10; Int 33:7; Jer 5:22; Matl 9:11 Nduwe wakabikila maanzi mugaano ngwaatakonzyi kusotoka,
Kuti atabooli limbi kuvumba nyika.
10Nduwe uukunkya tulonga mumakuti.
Tulainda akatikati kazilundu.
11Banyama boonse bamulusaka balanywa kulintuto,
Ambongolo zyamusokwe zilamanya nyota yazyo.
12Bayuni bakujulu balayaka ziteente zyabo nkukonya,
Balaimba akati kamitabi.
13Ulatilaila maanzi kuzilundu kuzwa kumaanda aakwe aakujulu,
Anyika yagondwa kumicelo yamilimo yako.
14 #
Matl 1:29,30; Int 147:8; 136:25; Job 28:5 Ulamenekela iŋombe bwizu,
Azisyu zigwasya bantu,
Kuti kujanwe zilyo muvu,
15 #
Bab 9:13; Tus 31:6,7; Muk 10:19; Jer 31:12; Joh 2:9,10 #
Is 32:15
Awaini uubotezya moyo wamuntu,
Amafuta aakusyukizya busyu bwakwe,
Acilyo cipa moyo wamuntu inguzu.
16 #
My 24:6; Int 29:5 Misamu ya-Jehova yakuta,
Makedari aaku-Lebano ngaakasimpika.
17Kulinjiyo bayuni nkobayakila ziteente zyabo.
Itongola lilakala kumisamu yakupresi,
18 #
Tus 30:26
Malundu malamfu nganjelele;
Mampangala ngemayubilo aabacibila.
19 #
Matl 1:14; Job 38:12 Wakaanza mwezi kukuzibya ziindi,
Alyalo izuba lilizi ciindi calyo cakubbila,
20 #
Is 45:7
Ulaleta mudima, lino aba masiku,
Banyama boonse bamulusaka nibeendeenda.
21 #
Job 38:39
Bana babalavu balavulumina zyakukwamauna,
Balayandaula zilyo zyabo kuli-Leza.
22Izuba lyapasula, balabungana,
Balalala mumalyango aabo.
23 #
Matl 3:19
Muntu ulaya kumilimo yakwe,
Ulaya kukubeleka mane kusikila kugoko.
24 #
Matl 1:20-22
O Jehova, milimo yako yavula!
Zyoonse wakazicita mubusongo bwako!
Nyika ilizwide zilenge zyako.
25Ndooluya lwizi lupati lukwazeme!
Mulindulo muli zintu zinji ziyavula zitabaliki,
Zilenge ziniini azilenge zipati.
26 #
Job 41:1; Int 74:14; Is 27:1 Maato aleendeenda alindulo;
Alakwe Leviyatani mwali, ngowakalenga kuti asobane mumo.
27 #
Rom 11:36
Zyoonse buyo zilalangila nduwe,
Kuti uzipe zilyo zyazyo kuciindi ceelede.
28Kufumbwa nzozipa, zilabweza.
Ulafumbatula ijanza lyako, lino zilakuta zintu zinono.
29 #
Muk 12:7
Ulasisa busyu bwako, lino zilapenga.
Ulazinyanzya muuya, lino zilafwa,
Zilapiluka kubulongo bwazyo.
30Ulatuma muuya wako, mpoonya awo zilalengwa;
Ulabukulusya busyu bwanyika.
31Bulemu bwa-Jehova bukalilile lyoonse;
Jehova asekelele mumilimo yakwe.
32 #
Hab 3:10
Ulalanga ansi, lino ilakankama;
Ulaampa zilundu, lino zilasuka busi,
33Nooimbila Jehova nencipona,
Nootembaula Leza wangu nenciliwo.
34Miyeeyo yangu imubotele,
Nkaambo ndasekelela Jehova.
35 #
Tus 2:22
Basizibi abalobelele ansi,
Abantu bataluleme batacibonwi limbi.
Lumba Jehova, O muuya wangu!
Amutembaule Jehova!
Sélection en cours:
Intembauzyo 104: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.