Malilo 4
4
Mapenzi aacisi ca-Juda
1Maawe! Ingolida yabija buti? Ingolida iisalala yasanduka!
Mabwe aacikombelo asowegwa kumagolelo aamigwagwa yoonse!
2 #
2 Kor 4:7
Bana bayandisi ba-Zioni bakalikozyene angolida iisalala!
Balayeeyegwa buti kuba mbuli zibelesyo zyabulongo zibumbidwe kumaanza aamubumbi?
3 #
Job 39:14
Ma! Bamwaaba balagwisya inkolo, balanyonsya bana babo;
Pele mwana musimbi wabantu bangu waba muyumu mbuli impo zyamusokwe.
4 #
Int 22:15
Lulimi lwamuvwanda lulakakatila kumulomo wakwe nkaambo kanyota.
Twana tulakumbila zilyo pele taakwe uutwaabila.
5 #
Job 24:8; Lk 15:16 Abo ibakali kulya zilyo zilweela balawizuka mumigwagwa;
Abaabo ibakalelwa muli zyakusama zisalala pyu balakumbata citantala camafwisila.
6 #
Matl 19:24
Milandu yamwana musimbi wabantu bangu mipati kwiinda zibi zyaSodoma,
lwakafwambaana kunyonyoonwa nekuba kuti katakwe maanza aakamwaampa.
7Basilutwe bakwe bakatuba buu mbuli lukobo, bakatuba kwiinda malili;
Mibili yabo yakasalala kwiinda mabwe aarubi, yakali kubalangala mbuli masafiri.
8 #
Int 102:5
Pele sunu masyu aabo asia kwiinda malasa, tabacizibiki mumigwagwa,
Cikanda cabo cilakakatila kuzifuwa zyabo, cayuminina mbuli cisamu.
9Abo bajayidwe apanga mbabotu kwiinda abo bajayidwe anzala,
Nkaambo aba balaya bukotelakotela, baliyasidwe, nkaambo kakubula micelo yamyuunda,
10 #
Malo 2:20; Dt 28:57; Ezk 5:10 Maanza aabanakazi banabuuya balika bana babo beni,
Bababeda malelo kuciindi calunyonyooko lwamwana musimbi wabantu bangu.
11 #
Dt 32:22
Jehova wazuzikizya lunyemo lwakwe, watila bukali bwakwe buyoosya.
Wakunka mulilo mu-Zioni, watenta matalikilo aawo.
12 #
Dt 29:24
Bami banyika abantu boonse ibakakede ansi bakakacilwa kuzumina
Kuti basinkondonyina abasikusaala bakonzya kunjila mumilyango yaJerusalemu.
13 #
Jer 5:31; Mt 23:31 Nkikaambo kazibi zyabasinsimi bawo amilandu yabapaizi bawo,
Ibakatila bulowa bwabaluleme mukati kawo.
14 #
Jer 2:34
Baya butuntulika mumigwagwa mbuli beofu, basofwaazigwa abulowa,
Nkabela bantu tabakonzyi kwaampa zyakusama zyabo.
15Amuleke! Balisofweede! (Mbubaambilwa.) Amubaleke! Amubaleke! Mutabagumi,
Bakacija, baba basimutuntuli, elyo kwakaambwa akati kabamasi kuti, Tabakooyookala limbi okuno.
16 #
Malo 5:12
Bukali bwa-Jehova bwabamwaya, takonzyi kubalanga limbi.
Bantu teebakatambula bapaizi nikuba kulemeka bapati.
17 #
2 Bam 24:7; Is 20:5,6 Meso esu akataala kulangila lugwasyo lwabuyo;
Kulangila twakali kulangila cisi citakonzyi kufutula.
18 #
2 Bam 25:4; Jer 51:33 Balavwima intaamu zyesu, tatukonzyi kweenda mumigwagwa.
Mamanino ali kufwaafwi, mazuba esu amana, nkaambo mamanino esu asika.
19Basikututobela mbasiluno kwiinda bacuungwe bakujulu;
Bakatutanda azilundu, bakatulindila musokwe.
20 #
Matl 2:7; Jer 52:9 Luyooyo lwampemu zyesu, nkokuti munanike wa-Jehova, wacegwa mutukole twabo,
Ngonguwe ngutwakaamba kuti, Tulakala mucenzule cakwe akati kaba-
masi,
21Sekelela, O mwana musimbi wa-Edomu ookede munyika ya-Uzi,
Inkomeki iyooinda kulinduwe ayebo; uyookolwa akuba acinswe.
22Milandu yako yamana, O mwana musimbi wa-Zioni;
Takooyookutola limbi mubuzike.
Pele webo, O mwana musimbi wa-Edomu, ulakupa mulandu,
Ulayubununa zibi zyako.
Sélection en cours:
Malilo 4: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.