Malilo 5
5
Mbubakatapatila Jehova nkaambo kabuzike bwabo
1Ibaluka, O Jehova, makani aatusikila; Langa, ubone mbutusampaulwa.
2Lukono lwesu lwaba lwabeenzu,
Maanda esu ali munaanza aabazwakule.
3Twaba bamucaala babula wisaabo,
Bamamama bali mbuli bamukabafu.
4Maanzi esu aakunywa tulaaula amali,
Inkuni zyesu nzyakuula buyo.
5Basikututanda batulemezya ijoko ansingo;
Twakataala, twabula kulyokezya.
6 #
Matl 24:2; Jer 50:15; Hos 12:1 Twatangana cizuminano aba-Egepita,
Abalo ba-Asuri, kuti tukute insima.
7 #
Jer 16:12; Ezk 18:2; Mt 23:32 Bamatata bakabisya, lino sunu tabaciwo;
Swebo twalemenwa milandu yabo.
8Bazike balatweendelezya,
Taakwe uutuvuna mumaanza aabo.
9Zilyo zyesu zilaulwa abuumi bwesu,
Nkaambo kapanga lyamunkanda.
10Cikanda cesu caidila mbuli muciko,
Nkaambo inzala yatukola.
11 #
Is 13:16
Bakasofwaazya banakazi bamu-Zioni,
Abanakalindu bamuminzi ya-Juda,
12Basilutwe bakaanzikwa amaanza aabo,
Abapati teebakalemekwa pe.
13 #
Bab 16:21
Bakubusi balayumuna iziyo.
Abalombe balemenwa inkuni.
14 #
2 Bam 25:18
Bapati tababoneki limbi kumulyango,
Abalombe baleka kwiimbya tuntimbwa.
15Lukondo lwamumyoyo yesu lwamana,
Kuzyana kwesu kwasanduka, kwaba kulila.
16Munsini waloka kuzwa kumutwe wesu.
Maawe kulindiswe! Nkaambo twabisya.
17 #
Job 17:7; Int 6:7 Myoyo yesu ilawizuka,
Meso esu afwa kulila,
18Nkaambo kacilundu ca-Zioni, caba matongo;
Bamwaaba baleendeenda alincico.
19Webo, O Jehova, nkoli lyoonse,
Acuuno cabwami bwako tacimani mumazyalani oonse.
20Ino nkaambonzi watuluba lyoonse?
Nkaambonzi watulekelezya ciindi cilamfu?
21Utupilusye kulinduwe, O Jehova, tupiluke.
Bukulusya mazuba esu mbuli kuciindi cakalekale.
22Pele ncobeni watusowelela,
Watukalalila loko.
Sélection en cours:
Malilo 5: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.