Matayo 14
14
Johane mbwaakakosolwa mutwe
(Marko 6:14,17-29; Luka 9:7-9)
1 #
Mk 6:14,17-30; Lk 9:7-9 #
Lk 3:19,20 Kuciindi eco mwami Heroda wakamvwa impuwo ya-Jesu. 2Lino wakaambila bantu bakwe kuti, Ngooyu Johane Mubapatizi, ulibukide kuzwa kubafu, nciceeco inguzu ncizibelekela mulinguwe. 3#Lk 3:19-20; Mt 11:2Nkaambo Heroda wakajatide Johane akumwaanga akumubika muntolongo nkaambo ka-Herodiya mukamwanike wakwe Filipo. 4#Lev 18:16; 20:21Nkaambo Johane wakamwaambila kuti, Takweelede kuti ube awe, 5#Mt 21:26Lino wakayanda kumujaya, pele wakayoowa makamu, nkaambo bakali kuyeeya kuti musinsimi. 6Nkabela nibwakasika buzuba bwabuzyalwe bwa-Heroda, mwana musimbi wa-Herodiya wakazyana akati kabo, wakabotezya Heroda. 7Mpawo wakamwaambila cakukonkezya kuti, Cintu niciba buti ncokumbila ndakupa. 8Lino walo mbwaakasungilizigwa kulibanyina, wakati, Ndipa okuno mumutiba mutwe wa-Johane Mubapatizi. 9Lino mwami wakausa, nekubaboobo nkaambo kakukonkezya kwakwe akaambo kabeenzu mbaakakede abo wakalailila kuti apegwe. 10#Mt 17:12Lino wakatumina Johane kuti akosolwe mutwe muntolongo. 11Nkabela mutwe wakwe wakaletwa mumutiba, wakapegwa musimbi, elyo walo wakauleta kulibanyina. 12Lino basikwiiya bakwe bakaboola, bakabweza mutunta, bakaakuuzika, elyo bakainka kuti bakaambile Jesu makani aya.
Jesu mbwaakasanina bantu banji
(Marko 6:31-44; Luka 9:10-17; Johane 6:1-14)
13 #
Mk 6:31-44; Lk 9:10-17; Joh 6:1-13 Lino Jesu amvwe boobo, wakainka, wakaakunjila mubwaato, wakatozya kunkanda kumbali, Nkabela makamu naakamvwa boobo akazwa muminzi, amutobela amaulu. 14#Mt 9:36Lino naakazwa mubwaato wakabona makamu mapati aabantu, wakabafwida luzyalo, wakaponya balwazi babo. 15Nkabela nikwakaba kumazuba; basikwiiya bakamuswenenena, bakati, Okuno nkunkanda buyo, alimwi ciindi camana kale. Ubamwaisye bantu, baye kuminzi kuyooliulila zilyo. 16Pele Jesu wakabaambila kuti, Tabeelede kwiinka pe, amubasombe zyakulya nywebo. 17Bamwaambila bati, Taakwe ncitujisi okuno, pele mikamu yosanwe answi zyobile. 18Mpawo wakati, Amuzilete okuno kulindime. 19Lino wakalailila bantu kuti bakale amweemvwe. Mpawo wakabweza eyo mikamu yosanwe answi ezyo zyobile, walungama kujulu, walumba, waikomona mikamu, waabila basikwiiya bakwe, nkabela basikwiiya bakaabila bantu. 20#2 Bam 4:44Lino bakalya boonse, bakuta. Alimwi bakazuzya insuwo zili ikumi azibili bufwefwelenga ibwakasyeede. 21Abo ibakalya kabali zyuulu zyosanwe, kutabala banakazi abana.
Jesu mbwaakeenda atala amaanzi
(Marko 6:45-56; Johane 6:15-21)
22 #
Mk 6:45-56; Joh 6:15-21 Elyo Jesu wakalailila basikwiiya bakwe kuti banjile mubwaato akumusolweda kuya mutala ciindi ncaakacili kumwaisya makamu. 23#Lk 6:12; 9:18Amane buyo kumwaisya makamu, wakatanta kucilundu kuyookomba. Lino naakaba masiku wakalikede nkukonya alike. 24Nkabela bwaato kabuli akati kalwizi, kabuli kutengauka amayuwe, nkaambo kakuti muuwo wakabakacizya. 25Nkabela nikwakaba kubusiku wakasika nkubakabede, keza bweenda atala amaanzi. 26#Lk 24:37Lino basikwiiya nibakamubona uleenda atala amaanzi bakakankamana, bakati, Musangu! nkabela bakoongolola cakuyoowa. 27Mpawo Jesu wakabaambila kuti, Amusekeseke! Ndime. Mutayoowi. 28Lino Petro wakamuvwiila, wakati, Mwami, kuti nduwe, ndilailila kuti mboole kulinduwe atala amaanzi. 29Wakati, Boola. Nkabela Petro wakazwa mubwaato, wakeenda atala amaanzi kuti aye kuli-Jesu. 30Pele naakaswiilila muuwo, wakayoowa. Lino wakatalika kubbila, elyo wakoongolola wati, Mwami, ndivuna. 31#Mt 8:26Mpawo Jesu wakatambika ijanza lyakwe, wamujata, wamwaambila wati, Webo nusilusyomo-luniini, ino nkaambonzi wadoneeka? 32Lino nibakanjila mubwaato muuwo wakaleka. 33Nkabela abo bakali mubwaato bakamukomba, baamba bati, Ncobeni nduwe Mwana a-Leza.
34Lino nibakazubuka bakasika kucisi caku-Genesarete. 35Nkabela bantu bakucisi eco bakamuziba, batuma mucisi coonse ceengelede akumuletela balwazi boonse. 36#Mt 9:21; Lk 6:19Lino bakali kumukumbila kuti baampe bwaya buyo bwacikobela cakwe, nkabela umwi aumwi wakaampa wakapona.
Sélection en cours:
Matayo 14: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.