Levitiko 21
21
Milao yabapaizi: kulila kwabo, kukwata kwabo amakani amwi
1 #
Lev 5:2; Ezk 44:25 Lino Jehova wakaambila Musa kuti, Ambila bapaizi, bana ba-Aroni, kuti kutabi naba omwe akati kabo uulisofwaazya nkaambo kamufu akati kabantu bakwe, 2cita sikamukowanyina loko, mbuli banyina, na wisi, na mwanaakwe mulombe, na mwanaakwe musimbi, na munyina, 3na mucizi wakwe uutakwetwe, (Uli afwiifwi kulinguwe, nkaambo katanakwatwa, aboobo ulakonzya kulisofwaazya nkaambo kakwe.) 4Teelede kulisofwaazya mbuli mulumi akati kabantu bakwe, kuti atasampauliki. 5#Lev 19:27-28; Dt 14:1; Ezk 44:20Batalinyooli kumutwe nanka kunyoola zyooko zyacilezu nanka kulinengaula amubili 6#Kul 20:7; Lev 18:21; 19:12; Dt 5:11; Int 15:4; Mt 5:33-37; Jak 5:12; Lev 3:11Basalale kubusyu bwa-Leza wabo, kuti batasofwaazyi izina lyaLeza wabo, nkaambo mbembabo batuula zipaizyo zitentelwa Jehova, zilyo zya-Leza wabo, aboobo baleelede kusalala. 7#Ezk 44:22; Dt 24:1,2Batakwati mwanakazi simamambe nanka iwakasofwaazigwa; batakwati mwanakazi iwakalekana amulumaakwe; nkaambo mupaizi ulasalala kumeso aa-Leza wakwe. 8#Lev 20:7,8; Is 43:15Muleelede kumusalazya, nkaambo ngonguwe uutuula zilyo zya-Leza wako; uleelede kusalala kumeso aako, nkaambo ndasalala mebo nde-Jehova uumusalazya. 9#Matl 38:24Kufumbwa mwana musimbi wamupaizi uulisofwaazya kukucita bwaamu, wasofwaazya wisi; atentwe mumulilo.
10 #
Kul 29:29; My 35:25; Kul 28:2; Lev 10:6 Mupaizi mupati akati kababunyina, iwakananikwa amafuta amutwe wakwe akusalazigwa kuti asame zikobela, teelede kutebununa masusu aakwe nanka kudeluula zyakusama zyakwe. 11#My 19:14Teelede kunjila muli mutunta nekuba kulisofwaazya kulila wisi na banyina. 12#Lev 10:7; Kul 28:36; Lev 8:9,12,30Alimwi teelede kuzwa mucikombelo nekuba kusofwaazya cikombelo ca-Leza wakwe, nkaambo munsini wakunanika kwa-Leza wakwe uli alinguwe. Ndime Jehova. 13#Ezk 44:22Akwate mwanakazi nakalindu. 14Teelede kukwata mukamufu nanka muleke nanka iwakabisigwa nanka sibuvuule. Akwate nakalindu akati kabantu bakwe, 15#Rom 12:1; 1 Kor 3:16,17; Ef 5:17; 1 Tes 4:1-8kuti atasofwaazyi lunyungu lwakwe akati kabantu bakwe, nkaambo ndime Jehova uumusalazya.
16Alimwi Jehova wakaambila Musa kuti, 17#My 16:5; Int 64:4Ambila Aroni kuti, Kufumbwa muntu akati kalunyungu lwako mumazyalani aabo uujisi kampenda teelede kuswena afwaafwi kuzootuula zilyo zya-Leza wakwe. 18#Lev 22:23Kufumbwa muntu uujisi kampenda atatuuli: naba moofu naba mulema naba mubambasumpemo naba uulampya cizo cimwi, 19naba muntu mulema cituta na ijanza, 20#Dt 23:1naba mulemamusana nekaba kandondoyo naba sicimbolyo naba sicibulu naba sibwele naba muzibe; 21kutabi muntu naba omwe akati kabana ba-Aroni uujisi kampenda uuswena kufwaafwi kuzootuula zipaizyo zitentelwa Jehova. Mbwajisi kampenda atasweni kuzootuula zilyo zya-Leza wakwe pe. 22#Lev 2:3,10; 22:10; My 18:19Zilyo zya-Leza wakwe, neziba zintu zisalala neziba zintu zisalalisya loko, azilye zyoonse, 23pele teelede kunjila mukati kacisitilizyo nanka kuswena kufwaafwi kucipaililo, nkaambo ulijisi kampenda; kuti atasofwaazyi cikombelo cangu, nkaambo ndime Jehova uubasalazya. 24Aboobo Musa wakaambila Aroni abana bakwe abana boonse ba-Israyeli.
Sélection en cours:
Levitiko 21: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.